Vörður tryggingar

Vörður hefur það að markmiði að bjóða viðskiptavinum viðeigandi vátryggingarvernd á samkeppnishæfu verði. Félagið leggur áherslu á einföld og þægileg vátryggingaviðskipti og persónulega þjónustu. Vörður hefur á að skipa þjónustulipru og vel upplýstu starfsfólki sem vinnur í fjölbreyttu og hvetjandi starfsumhverfi. Lögð er áhersla á traust og áreiðanleika í samskiptum. Lykillinn að farsælum rekstri Varðar er fólkið sem þar starfar. Við leggjum áherslu á starfsánægju, jafnrétti, gott starfsumhverfi, markvissa fræðslu og þjálfun starfsfólks og skemmtilegan vinnustað þar sem hver einstaklingur hefur áhrif og skiptir máli.

Vinnustaðurinn

Sérfræðingur í persónu- og ferðatjónum

Hefur þú áhuga á að ganga til liðs við öflugt fyrirtæki í miklum vexti sem býður upp á besta mötuneyti landsins og útsýni á heimsmælikvarða? Óskað er eftir sjálfstæðum og skipulögðum einstaklingi til starfa í teymi persónutjóna. Starfið er í senn skemmtilegt, fjölbreytt og krefjandi. Við hvetjum áhugasama einstaklinga til að sækja um. 

Athugið: Pörun í starfið fer fram í gegnum Opus Futura, til að koma til greina þarf að vera með útfylltan prófíl þar.

Helstu verkefni og ábyrgð

Almenn vinnsla mála er varða persónutjón og ferðatjón.
Sinna þjónustu við viðskiptavini félagsins eftir þörfum, t.d. með upplýsingagjöf.
Tjónauppgjör og mat á bótaskyldu ásamt almennri afgreiðslu og vinnslu tjóna. 
Veita öðrum starfsmönnum teymisins stuðning og ráðgjöf.
Vera í samskiptum við hagsmunaaðila í tengslum við vinnslu tjóna, t.d. lögmenn, lækna og heilbrigðisstofnanir.
Taka ákvarðanir um bótaskyldu, kemur að útreikningum bóta og uppgjöri þeirra.
Önnur tilfallandi verkefni svo sem þátttaka í vöruþróun og hvers kyns umbótaverkefnum.

Menntunar- og hæfniskröfur

Háskólamenntun sem nýtist í starfi, t.d. hjúkrunarfræði 
Framúrskarandi samskiptahæfni og jákvætt viðmót.
Frumkvæði og sjálfstæði í starfi.
Skipulögð og vandvirk vinnubrögð ásamt hæfni til að vinna undir álagi.
Gott vald á íslensku og ensku í töluðu og rituðu máli. 
Kostur ef viðkomandi hefur reynslu af tjónavinnslu og/eða vátryggingastarfsemi.

Nánari upplýsingar um starfið veitir Hildur Gunnarsdóttir, teymisstjóri persónu- og ferðatjóna, [email protected] og Hreinn Ingi Örnólfsson, mannauðsráðgjafi, [email protected].

Auglýsing birt20. febrúar 2025

UmsóknarfresturEnginn

Tungumálahæfni