Þekking hf. er þjónustufyrirtæki á sviði upplýsingatækni. Hjá fyrirtækinu starfa um sextíu manns og starfsstöðvar eru á tveimur stöðum á landinu, á Akureyri og í Kópavogi. Þekking býður fyrirtækjum upp á alhliða rekstrarþjónustu fyrir tölvukerfi, kerfisleigu, hýsingu, internetþjónustu og gagnaflutninga ásamt margs konar sérlausnum, ráðgjöf og kennslu. Starfsfólk Þekkingar vinnur fjölbreytt störf og því er bakgrunnur þeirra ólíkur, allt eftir hvernig störfum það sinnir. Um helmingur starfsfólks Þekkingar er með háskólamenntun að baki en við nýráðningar er horft til reynslu og persónueinkenna starfsfólks.