Menningar- og viðskiptaráðuneytið

Hlutverk menningar- og viðskiptaráðuneytis er að skapa menningarstarfi, viðskiptalífi og ferðaþjónustu umhverfi sem stuðlar að velsæld og verðmætasköpun fyrir samfélagið allt. Helstu málaflokkar sem ráðuneytið fer með eru menningarmál, ferðaþjónusta, viðskiptamál, neytenda- og samkeppnismál, fjölmiðlar, skapandi greinar og ríkisaðstoð. Í ráðuneytinu er fólk með fjölbreyttan bakgrunn sem starfar samhent að því að skapa framúrskarandi vinnustað og öflugt ráðuneyti sem veitir afbragðsþjónustu.

Vinnustaðurinn

Sérfræðingur hjá menningar- og viðskiptaráðuneytinu

Menningar- og viðskiptaráðuneytið auglýsir starf lögfræðings á skrifstofu viðskipta og ferðamála laust til umsóknar. Skrifstofan fer með málefni viðskipta- og atvinnulífs, samkeppnismál, neytendamál, ferðamál, félagarétt, ríkisaðstoð, endurskoðendur, ársreikninga, erlendar fjárfestingar, verslun og þjónustu, fasteignasala, staðla, faggildingu o.fl. Lögfræðingur heyrir undir skrifstofustjóra.

Leitað er að einstaklingi sem er jákvæður og reiðubúinn til að takast á við krefjandi verkefni, er góður í mannlegum samskiptum, nákvæmur, skipulagður og sjálfstæður í vinnubrögðum.

Helstu verkefni og ábyrgð

Lögfræðileg ráðgjöf um einstök verkefni skrifstofunnar, einkum á sviði félagaréttar og viðskiptamála.
Gerð stjórnsýsluúrskurða og undirbúningur ákvarðana um lögfræðileg málefni.
Aðkoma að samningu lagafrumvarpa, reglugerða og samninga.
Aðkoma að innleiðingu EES gerða á málefnasviði skrifstofunnar.
Almenn stjórnsýslustörf.

Menntunar- og hæfniskröfur

Embættis- eða meistarapróf í lögfræði.
Þekking og/eða starfsreynsla á sviði félagaréttar eða almennra viðskiptamála er æskilega.
Þekking og reynsla af störfum innan stjórnsýslunnar er kostur.
Starfsreynsla þar sem reynt hefur á gerð stjórnsýsluúrskurða og frumvarpasmíð er kostur.
Góð almenn tölvufærni og þekking á Office365 umhverfinu.
Góð íslensku- og enskukunnátta og hæfni til að setja fram mál í ræðu og riti.
Hæfni í mannlegum samskiptum, frumkvæði, ábyrgð, jákvæðni og þjónustulund.

Um fullt starf er að ræða.

Frekari upplýsingar um starfið veitir Ingvi Már Pálsson, skrifstofustjóri, í síma 5459800 (mvf@mvf.is).

Áhugasamir einstaklingar, án tillits til kyns, eru hvattir til að sækja um.

Umsóknum skal fylgja ítarleg náms- og starfsferilskrá á íslensku ásamt kynningarbréfi þar sem fram kemur núverandi starfsheiti, ástæðu umsóknar og hvernig viðkomandi uppfyllir hæfniskröfur.

Umsóknir geta gilt í sex mánuði frá því að umsóknarfrestur rennur út, sbr. reglur um auglýsingar lausra starfa nr. 1000/2019. Æskilegt er að viðkomandi geti hafið störf sem fyrst.

Umsóknarfrestur er til og með 10. október nk.

Um laun fer samkvæmt gildandi kjarasamningi milli fjármála- og efnahagsráðherra og Félags háskólamenntaðra starfsmanna Stjórnarráðsins.

Auglýsing birt7. október 2024

Umsóknarfrestur17. október 2024

Tungumálahæfni