Innviðaráðuneytið

Verkefni innviðaráðuneytisins ná til fjölmargra sviða þjóðfélagsins og varða meðal annars samgöngur, sveitarstjórnar- og byggðamál og fjarskiptamál. Í innviðaráðuneytinu starfa um 40 manns með fjölbreytta menntun og bakgrunn. Hópurinn er samhentur og áhersla lögð á góðan starfsanda, samvinnu og árangur.

Vinnustaðurinn

Sérfræðingur á skrifstofu sveitarstjórnar, byggðamála og stafrænna innviða

Innviðaráðuneytið leitar að metnaðarfullum sérfræðingi á skrifstofu sveitarstjórnar, byggðamála og stafrænna innviða. Starfið heyrir undir skrifstofu sveitarstjórnar, byggðamála og stafrænna innviða.

Með breytingu á forsetaúrskurði þann 17. júlí sl. fluttist ábyrgð á stjórnarmálefninu byggðakerfi, svokallað 5,3% kerfi, úr atvinnuvegaráðuneyti og yfir í innviðaráðuneyti. Undir byggðakerfið fellur almennur byggðakvóti, sértækur byggðakvóti, strandveiðar, línuívilnun, skel- og rækjubætur og frístundaveiðar. Í ráðuneytinu stendur nú yfir vinna við endurskoðun á fyrirkomulagi nýtingar þessara heimilda.

Helstu verkefni og ábyrgð

Fjölbreytt og krefjandi verkefni á sviði byggðamála
Halda utan um heimildir sem ráðstafað er innan byggðakerfis fiskveiða
Greiningar og kærumál
Afgreiðsla erinda og fyrirspurna sem því tengjast
Umsjón með sértækum verkefnum
Vinna við gerð reglugerða sem settar eru um ráðstöfum heimilda
Þátttaka í vinnuhópum og nefndum
Komi að verkefnum á öðrum málefnasviðum skrifstofunnar eftir því sem við á

Menntunar- og hæfniskröfur

Háskólapróf sem nýtist í starfi, t.d á sviði viðskiptalögfræði eða lögfræði, framhaldsmenntun kostur
Þekking og reynsla af opinberri stjórnsýslu er kostur
Hæfni til að koma frá sér tölfræðilegum upplýsingum á greinargóðan hátt
Þekking og reynsla af þeim málaflokkum sem heyra undir ráðuneytið er kostur
Hæfni til að starfa sjálfstætt sem og í hóp
Góð færni í íslensku
Frumkvæði, metnaður og skipulagshæfileikar

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Æskilegt er að umsækjandi geti hafið störf sem fyrst.

Umsókn um starfið þarf að fylgja ítarleg ferilskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni umsækjanda í starfið. Leggja skal fram staðfestar upplýsingar um menntun, reynslu og fyrri störf. Sótt er um starfið á Starfatorgi.

Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því að umsóknarfrestur rennur út, sbr. 2. gr. reglna um auglýsingar á lausum störfum nr. 1000/2019. Við ráðningar í störf hjá innviðaráðuneytinu er tekið mið af jafnréttisáætlun Stjórnarráðsins. Ráðuneytið hvetur einstaklinga óháð kyni til að sækja um starfið.

Starfshlutfall er 100%. Umsóknarfrestur er til og með 23.10.2025.
Nánari upplýsingar veita, Þóra Björk Eysteinsdóttir, mannauðsstjóri – [email protected] og Aðalsteinn Þorsteinsson, skrifstofustjóri, [email protected]

Auglýsing birt13. október 2025

Umsóknarfrestur23. október 2025

Tungumálahæfni