Séní í stafrænum vexti og vef
Vilt þú taka þátt í að stækka dansgólfið á stærsta skemmtistað í heimi?
Séní í stafrænum vexti og vef vinnur á mörkum markaðsmála, vöruþróunar, tækni og gagna og gegnir lykilhlutverki í því að móta ferðalag núverandi og framtíðar viðskiptavini Nova á stafrænum miðlum.
Hlutverkið ber ábyrgð á stafrænni vaxtarvél og markaðstrekt Nova, þ.e.a.s. Nova.is, stafrænum markaðsaðgerðum, mælingum, og tracking. Viðkomandi vinnur þvert á ferðalag viðskiptavinarins, frá fyrstu birtingu eða leit yfir á nova.is, lendingarsíður, HubSpot og áfram yfir í sölutækifæri.
Viðkomandi er eigandi Nova.is og þar með helsti kröfuhafi fyrir umbætur á vefnum. Hlutverkið ber ábyrgð á rekstri og stöðugri umbót á ytri vef Nova, og tryggir þar af leiðandi að efni, framsetning og upplifun sé til fyrirmyndar á vefnum.
Séníið ber ábyrgð á framkvæmd og bestun stafrænnar markaðssetningar Nova. Þar undir falla meðal annars SEO, AEO, SEM, PPC, keyptar birtingar á samfélagsmiðlum (e. paid social), affiliate markaðssetning, ásamt stafrænni markaðstrekt inni í Hubspot.
Eignarhald og rekstur Nova.is
- Eignarhald á Nova.is og ábyrgð á að vefurinn styðji þarfir viðskiptavina og markmið Nova.
- Eiga umbótaverkefni vefsins, forgangsraða þeim með vörustjóra Inspire út frá virði og fylgja umbótum eftir frá hugmynd að útgáfu
- Eiga daglegan efnisrekstur Nova.is og uppfæra texta og myndefni í Sanity, Contentful eða sambærilegu vefumsjónarkerfi.
- Setja upp og viðhalda lendingarsíðum með skýran tilgang, CTA og tengingu við kaupferli
- Tryggja gæði, samræmi, aðgengi og réttleika upplýsinga og framsetningar á vefnum.
Vöxtur og stafræn markaðssetning
- Tengja saman og tryggja að Nova.is, Hubspot, stafrænar birtingar, og lendingarsíður myndi eina mælanlega heild frá fyrstu snertingu yfir í sölutækifæri.
- Eiga og framkvæma aðgerðir til að besta lífrænan sýnileika Nova á stafrænum miðlum líkt og leitarvélum (SEO) og gervigreindarlíkönum (AEO)
- Eiga og framkvæma bestun kostaðra stafrænna herferða á leitarvélum (SEM), samfélagsmiðlum (paid social) og samstarfaðilum (affiliate marketing).
- Tryggja rétta uppsetningu mælinga (tracking) fyrir Nova.is, stafrænar herferðir, lendingarsíður o.þ.h..
- Greina hegðun og árangur í Google Analytics og HubSpot og miðla skýrri innsýn til teymis
- Reynsla af stafrænum vexti (e. growth marketing) eða árangursdrifinni stafrænni markaðssetningu (e. performance marketing)
- Reynsla af HubSpot/Salesforce eða öðru sambærilegu CRM sölu- og markaðskerfi
- Reynsla af rekstri og þróun vefsíðna og vefumsjónarkerfum, svo sem Contentful, Sanity, Prismic, Umbraco eða sambærilegum lausnum.
- Góð þekking á SEO, leitarhegðun, efnisbestun og tæknilegum þáttum sýnileika.
- Reynsla af Google Analytics, Segment, PostHog eða sambærilegum greiningarverkfærum.
Bráðnauðsynlegir eiginleikar hjá öllum dönsurum Nova
- Setja egóið til hliðar: Engin gera neitt ein!
- Alltaf hungruð, aldrei södd!
- Samskiptaklár!
- Ég stuðla að því að teymið mitt sé heilbrigt og framúrskarandi gott.
