Laus störf Hæfnileit Vinnustaðir Námskeið

Deloitte

Hjá okkur starfa löggiltir endurskoðendur, viðskiptafræðingar, lögfræðingar, fjármálafræðingar, verkfræðingar, tölvunarfræðingar, kerfisfræðingar, fjármálaverkfræðingar, alþjóðafræðingar, markaðsfræðingar, margmiðlunarhönnuðir, félagsfræðingur, stjórnmálafræðingur, húsasmiður, viðurkenndir bókarar og svo mætti lengi telja. 85% starfsmanna er með grunnmenntun úr háskóla, 43% með meistaragráðu.

Vinnustaðurinn

Endurskoðandi framtíðarinnar

Við leitum að öflugum einstakling sem er að stefna á, hefur nýlokið eða er jafnvel að vinna að M.Acc gráðu og langar að takast á við fjölbreytt og krefjandi verkefni í alþjóðlegu starfsumhverfi. Við leitum að einstakling sem hugsar í lausnum, getur unnið sjálfstætt, er drífandi og vill hafa áhrif. Sem endurskoðandi framtíðarinnar munt þú starfa í samheldnu teymi undir handleiðslu löggiltra endurskoðenda og öðlast þannig dýrmæta reynslu á sviði endurskoðunar og reikningsskila.

Helstu verkefni og ábyrgð

Endurskoðun og reikningsskil
Gerð ársreikningar
Gerð uppgjöra og skattframtala
Annað tilfallandi

Menntunar- og hæfniskröfur

Áhugi á endurskoðun og reikningsskilum
Góð íslensku- og enskukunnáttu í ræðu og riti
Greiningarhæfni og góð þekkingu á Excel
Reynsla af bókhaldsvinnu eða öðru sem nýtist í starfi er kostur
Ert að ljúka eða hefur lokið B.Sc. menntun sem tengist viðskiptafræði, hagfræði eða fjármálum með góðum árangri
Stefnir á, ert að vinna að eða hefur jafnvel lokið M.Acc gráðu

Um teymið

Teymið samanstendur af fjölbreyttum hópi starfsmanna; framtíðar og núverandi reynsluboltum á ólíkum aldri og með alls konar áhugamál. Teymið vinnur náið saman og styður hvort annað til að þroskast og þróast í starfi. Svo höfum við auðvitað gaman af því að fagna saman stórum sem smáum áföngum.

Starfsþróun þín 

Við trúum því að það sé ávallt rými til að læra en þú munt öðlast dýrmæta reynslu á sviði endurskoðunar og reikningsskila. Þú lærir mikið af þeim fjölbreyttu verkefnum sem þú tekur að þér hjá viðskiptavinum í ólíkum atvinnugeirum, þú fylgist vel með á þínu fagsviði og við að sama skapi styðjum við þinn vöxt með símenntunartækifærum. 

Að auki bjóðum við upp á: 

Frábært mötuneyti með niðurgreiddum morgunmat og hádegismat
Regluleg frammistöðu samtöl
Samstarfsfélaga „buddy“ sem kemur þér inn í starfið
Styrk til verðandi foreldra
Veglegan líkamsræktarstyrk, virkt starfsmannafélag og gott félagslíf
Sjálfboðastarf til áhrifa – launaður dagur til að sinna sjálfbærniverkefnum
Aðgang að alþjóðlegu efni Deloitte

Við hlökkum til að fá umsóknina þína 

Nánari upplýsingar um starfið veitir Heiðar Þór Karlsson, sviðstjóri endurskoðunarsviði, [email protected] og Ásta Þyri Emilsdóttir á mannauðssviði, [email protected]. Æskilegt er að umsækjendur geti hafið störf haustið 2026. Tekið er á móti umsóknum í gegnum heimasíðu Deloitte, www.deloitte.is, til og með 30. ágúst 2026. 

Auglýsing birt14. ágúst 2026

Umsóknarfrestur30. ágúst 2026

Tungumálahæfni