Reykjalundur

Á Reykjalundi fer fram alhliða endurhæfing sem miðar að því að bæta lífsgæði, færni og sjálfsbjargargetu þeirra sem þangað leita. Reykjalundur er heilbrigðisstofnun í eigu Sambands íslenskra berkla- og brjóstholssjúklinga (SÍBS) og vinnur samkvæmt lögum um heilbrigðisþjónustu á Íslandi. Um þjónustuna gildir þjónustusamningur milli Sjúkratrygginga Íslands og Reykjalundar.

Vinnustaðurinn

Sálfræðingur

Laus er til umsóknar 60-80% staða sálfræðings á Reykjalundi endurhæfingu ehf.

Á Reykjalundi starfa níu sálfræðingar í átta þverfaglegum teymum þar sem áhersla er lögð á skjólstæðingsmiðaða nálgun og heildræna sýn. Í þverfaglegum teymum á Reykjalundi starfa auk sálfræðinga, félagsráðgjafar, iðjuþjálfar, sjúkraþjálfarar, næringarfræðingar, heilsuþjálfarar, talmeinafræðingar, sjúkraliðar, hjúkrunarfræðingar og læknar. Mötuneyti er á staðnum og aðgengi starfsfólks að heilsurækt og sundlaug.

Helstu verkefni og ábyrgð:

Sálfræðiþjónusta fyrir einstaklinga 18 ára og eldri.
Greining, mat og meðferð á sálrænum vanda og geðröskunum.
Gagnreynd sálfræðimeðferð og ráðgjöf.
Einstaklings- og hópmeðferð.
Námskeiðahald og fræðsla.
Þátttaka í þverfaglegri teymisvinnu.
Önnur tilfallandi verkefni.

Hæfnis- og menntunarkröfur:

Leyfi frá embætti landlæknis til að starfa sem sálfræðingur er skilyrði.
Góð kunnátta í íslensku og ensku.
Reynsla af sálfræðilegri greiningu og meðferð fullorðinna er æskileg.
Þekking og reynsla af gagnreyndum sálfræðimeðferðum s.s. hugrænni atferlismeðferð (HAM, ACT, MBCT, CFT, CPT, DAM).
Þekking og reynsla af endurhæfingu er æskileg.
Reynsla af hópmeðferð og námskeiðahaldi.
Reynsla og áhugi á þverfaglegri teymisvinnu og samstarfi.
Jákvætt viðmót og framúrskarandi hæfni í mannlegum samskiptum.
Frumkvæði, áhugi og metnaður í starfi.

Laun greiðast samkvæmt gildandi kjarasamningi Sálfræðingafélags Íslands og SFV auk stofnanasamnings Sálfræðingafélags Íslands og Reykjalundar endurhæfingar ehf. Boðið er upp á handleiðslu eftir þörfum.

Umsókn skal fylgja ítarleg náms- og starfsferilskrá ásamt afriti af prófskírteinum og starfsleyfi. Umsókn fylgi einnig kynningarbréf með rökstuðningi fyrir hæfni og sýn á starfið. Mat á hæfni umsækjenda byggist á innsendum gögnum og viðtölum við umsækjendur.

Öllum umsóknum verður svarað.

Upplýsingar um starfið veita Inga Hrefna Jónsdóttir forstöðusálfræðingur - [email protected] - sími 585 2131 og Guðbjörg Gunnardsóttir mannauðsstjóri - [email protected] - 585 2143.

Auglýsing birt27. maí 2025

Umsóknarfrestur10. júní 2025

Tungumálahæfni