Lögreglustjórinn á Suðurnesjum

Hjá embætti lögreglustjórans á Suðurnesjum starfa um 200 manns. Verkefnin eru fjölbreytt og krefjandi. Í umdæmi lögreglunnar á Suðurnesjum er Keflavíkurflugvöllur sem gegnir lykilhlutverki í uppbyggingu almannaflugs á Íslandi og tengir landið við Evrópu og Norður-Ameríku. Í fjölmennu liði lögreglunnar á Suðurnesjum býr mikill þróttur og góð þekking þar sem áhersla er lögð á jafnrétti, starfsánægju, heilbrigðan starfsanda og góð samskipti.

Vinnustaðurinn

Saksóknarfulltrúar – Lögreglustjórinn á Suðurnesjum

Brennur þú fyrir lögfræðilegum áskorunum, krefjandi verkefnum og skemmtilegum vinnustað. Við leitum að tveimur framúrskarandi lögfræðingum í störf saksóknarfulltrúa hjá embætti lögreglustjórans á Suðurnesjum. Starfið er mjög fjölbreytt, krefjandi og reynir mikið á samskipti, sveigjanleika og kraftmikil vinnubrögð.

Helstu verkefni og ábyrgð

Saksóknarfulltrúar sem ákærendur eru lögreglustjóra til aðstoðar við framkvæmd ákæruvalds samkvæmt skilgreiningu laga um meðferð sakamála nr. 88/2008. Hlutverk þeirra er að tryggja, í samvinnu við lögreglu, að þeir sem afbrot fremja verði beittir lögmætum viðurlögum. Ákærendum ber að leiðbeina lögreglumönnum um framkvæmd rannsóknar og gefa fyrirmæli um framkvæmd hennar eftir því sem við á, sem og að tryggja að fylgt sé fyrirmælum laga um rannsóknir mála og að gætt sé grundvallarmannréttinda við rannsóknir. Að lokinni rannsókn tekur ákærandi ákvörðun um afdrif máls. Sjá nánar um hlutverk ákærenda: https://www.rikissaksoknari.is/um-akaeruvaldid/um-akaeruvaldid/

Menntunar- og hæfniskröfur

Skilyrði:

Embættis- eða meistarapróf í lögfræði frá íslenskum háskóla
Hreint sakavottorð og jákvæð bakgrunnsskoðun lögreglu
Góð þekking á regluverki útlendingamál
Þekking og reynsla af störfum í stjórnsýslu

Kostir:

Reynsla af saksóknarstörfum
Málflutningsréttindi fyrir Héraðsdómi

Mikilvægir eiginleikar:

Sjálfstæði í vinnubrögðum
Færni í mannlegum samskiptum
Góðir skipulagshæfileikar
Að geta unnið undir álagi
Frumkvæði, réttsýni og ábyrgðarkennd
Hugrekki og færni til að greina viðfangsefni
Nákvæm, fagleg og traust vinnubrögð
Jákvæðni og stundvísi
Brennandi áhugi á verkefnum ákæruvalds

Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.

Starfið er dagvinna.

Eftirfarandi upplýsingum er beint til umsækjenda. Samkvæmt 28. gr. a lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsækjendur eru vinsamlegast beðnir um að sækja um störfin með því að smella á hlekkinn hér að neðan og láta ferilskrá og kynningarbréf fylgja með. Umsækjendur eru vinsamlegast beðnir um að vanda umsóknir sínar. Hvetjum hæfa einstaklinga til að sækja um.

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu liggur fyrir.

Varðandi persónuverndarákvæði gagnvart umsækjendum, sjá vef lögreglunnar: Umsaekjendur-um-storf-hja-logreglunni.pdf (logreglan.is)

Auglýsing þessi gildir í 6 mánuði, sbr. ákvæði 3. tl. 2. mgr. 2. gr. reglna nr. 464/1996 um auglýsingar á lausum störfum með síðari breytingum.

Auglýsing birt24. október 2024

Umsóknarfrestur8. nóvember 2024

Tungumálahæfni