Lögfræðingur á sviði samninga- & fjármunaréttar hjá KPMG Law

Við leitum að metnaðarfullum og áhugasömum lögfræðingi með umfangsmikla þekkingu og reynslu af samninga- og fjármunarétti til þess að sinna fjölbreyttri ráðgjöf og þjónustu til viðskiptavina okkar á þeim sviðum.

Við leggjum ríka áherslu á að samvinnu milli sviða með breiða nálgun gagnvart viðskiptavinum okkar. Viðkomandi mun því vinna náið með öðrum ráðgjöfum á sviðum fjármála og rekstrar, bæði á íslenskum og erlendum vettvangi.

Helstu verkefni og ábyrgð:

• Almenn lögfræðiráðgjöf og greining fyrir viðskiptavini KPMG.
• Lögfræðiráðgjöf fyrir viðskiptavini KPMG á sviðum samninga- og fjármunaréttar.
• Samninga- og skjalagerð um framkvæmd og frágang viðskipta.

Hæfniskröfur:

• Meistaragráða í lögfræði.
• A.m.k 3 ára reynsla af starfi sem nýtist.
• Starfsreynsla í lögfræðideild banka er mikill kostur.
• Umfangsmikil þekking og reynsla af skjalagerð ýmissa fjármálagerninga og veðskjala.
• Þekking og reynsla af innheimtumálum er kostur.
• Mikilvægt er að umsækjandi sé nákvæmur, glöggur og með gott talnalæsi.
• Framúrskarandi hæfni til að setja fram mál í ræðu og riti, bæði á íslensku og ensku.
• Geta og metnaður til að vinna í krefjandi vinnuumhverfi og undir álagi.
• Lipurð í mannlegum samskiptum og þjónustulund.

Í samræmi við markmið okkar í jafnréttismálum hvetjum við allt fólk til að sækja um óháð kyni.

KPMG Law ehf.

KPMG Law er sérhæfð lögmannsstofa í alþjóðlegu samstarfi KPMG sem hefur vaxið mjög á undanförnum árum og er ein af leiðandi stofunum hér á landi á sviði fyrirtækjalögfræði. Við leggjum ríka áherslu á að veita viðskiptavinum okkar framúrskarandi þjónustu og bjóðum upp á frábær tækifæri fyrir metnaðarfullt fólk til starfsþróunar í sveigjanlegu og fjölbreyttu vinnuumhverfi. Hjá okkur starfar á fjórða tug lögmanna, lögfræðinga og annarra sérfræðinga. Við störfum náið með öðrum sérfræðingum KPMG innanlands sem og erlendis sem gerir okkur kleift að veita þjónustu á breiðum grunni, hvort sem er á sviðum lögfræði, fjármála eða rekstrar. Sérfræðingar okkar þekkja lögin og skilja áhrif þeirra á rekstur.

Nokkur dæmi um kosti þess að vinna hjá KPMG Law:

• Fjölbreytt verkefni í alþjóðlegu umhverfi og tækifæri til að hafa jákvæð áhrif á viðskiptalífið og samfélagið í heild.
• Frábær tækifæri til að læra af leiðandi sérfræðingum og þróast í starfi.
• Fyrsta flokks mötuneyti í Borgartúni með fjölbreyttu og hollu fæði.
• Heilsueflandi vinnustaður, t.d. eru þrektímar í boði tvisvar í viku í Borgartúni, hlaupaklúbbur, fjallgönguklúbbur, golfklúbbur, vikulegur fótbolti og fleira.
• Aðgangur að heilsustyrk, samgöngustyrk og 4 tímar á ári hjá sálfræðingi eða öðrum ráðgjöfum sem styðja við andlega heilsu.
• Sveigjanleiki til að vinna frá mismunandi skrifstofum og að heiman þegar við á.
• Tækifæri til að vinna á skrifstofum KPMG út um allan heim.
• Einn launaður dagur á ári til sjálfboðavinnu.
• Og margt fleira.

Umsóknarfrestur er til og með 6. nóvember 2024.

Umsóknir ásamt ferilskrá og kynningarbréfi óskast fylltar út á heimasíðu KPMG (sækja um hér til hliðar). Nánari upplýsingar veitir Hildur Steinþórsdóttir, sérfræðingur í mannauðsmálum, á hsteinthorsdottir@kpmg.is.