Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Ráðgjafi/ stuðningsfulltrúi á næturvaktir barna- og unglingageðdeildar

Ráðgjafi/ stuðningsfulltrúi óskast til starfa á barna- og unglingageðdeild Landspítala. Um er að ræða starf á legudeild, vinnufyrirkomulag eru næturvaktir eingöngu.

Barna- og unglingageðdeild samanstendur af tveimur deildum á Landspítala, dag- og legudeild og göngudeild. Legudeildin er tólf rúma sólarhringsdeild sem er opin allan ársins hring. Dagdeild þjónustar tíu skjólstæðinga í samstarfi með starfsfólki legudeildar. Á deildunum er börnum og unglingum að 18 ára aldri, með samsettan geðrænan vanda, veitt margvísleg sérfræðiþjónusta. Unnið er í þverfaglegum teymum að greiningu og meðferð og einnig er veitt ráðgjöf og fræðsla. Þjónustan tekur mið af þörfum barna og fjölskyldum þeirra. Mikil samvinna er höfð við fagaðila í nærumhverfi.

Á deildinni starfa um 100 einstaklingar í fjölskylduvænu starfsumhverfi og er vinnuvikan 36 klst. Starfsaðlögun er markviss og einstaklingshæfð.

Menntunar- og hæfniskröfur

Menntun á sviði heilbrigðis-, mennta- eða félagsvísinda sem nýtist í starfi

Reynsla af næturvinnu

Reynsla af meðferðar-, umönnunar- eða uppeldisstörfum

Framúrskarandi færni í samskiptum og samvinnu

Faglegur metnaður, jákvætt hugarfar og frumkvæði

Skipulagshæfni og öguð vinnubrögð

Góð íslenskukunnátta, í mæltu og rituðu máli

Góð almenn tölvukunnátta, geta til að læra nýjungar

Hreint sakavottorð

Helstu verkefni og ábyrgð

Starfar að umönnun og öryggismeðferð barna með geðrænan vanda ásamt samvinnu og stuðningi við fjölskyldur þeirra

Sinnir almennum verkefnum ráðgjafa næturvaktar

Stuðlar að góðum starfsanda og menningu sálræns öryggis

Tekur þátt í umbótastarfi og þróun þjónustu

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilsskrá ásamt kynningarbréfi og afriti af prófskírteinum ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Nánari upplýsingar

Tinna Guðjónsdóttir

Deildarstjóri

Tölvupóstur: [email protected]

Valgerður Björg Hafsteinsdóttir

Aðstoðardeildarstjóri

Tölvupóstur: [email protected]

Auglýsing birt7. ágúst 2026

Umsóknarfrestur17. ágúst 2026

Tungumálahæfni

Engar sérstakar tungumálakröfur

Starfstegund

Starfsgreinar

Starfsmerkingar

Fleiri störf (46)

Ráðgjafar/ stuðningsfulltrúar á öryggis- og réttargeðdeildir Kleppi