Ráðgjafi í búsetuúrræði Klettabæjar

Klettabær leitar að öflugum ráðgjafa til starfa sem brennur fyrir velferð barna og ungmenna.

Klettabær starfrækir sértæk búsetuúrræði, hvíldardvalir auk fjölbreyttrar og einstaklingsmiðaðrar þjónustu í Þjónustumiðstöð Klettabæjar. Megin markhópur Klettabæjar eru börn og ungmenni með margþættan vanda sem þurfa sértæk úrræði og/eða einstaklingsmiðaða nálgun og þjónustu. Markmiðið er að stuðla að jöfnum tækifærum ungs fólks til þátttöku og lífsgæða í samfélaginu.

Í Klettabæ ríkir mikil starfsánægja og góður starfsandi. Unnið er eftir hugmyndafræðinni áfalla- og tengslamiðaður stuðningur.

Einkennisorð Klettabæjar eru ástríða, fagmennska, gleði og umhyggja.

Ráðgjafi tekur þátt í meðferð og daglegum störfum undir leiðsögn yfirmanna. Hann þarf að geta unnið sjálfstætt og í teymi og tileinka sér þá meðferðarnálgun og verklagsreglur sem unnið er eftir hverju sinni. Starfið krefst góðrar samvinnu og samstarfs við stjórnendur og alla þá sem koma að málum þjónustunotanda.

Menntunar- og hæfniskröfur

Reynsla af vinnu með börnum og ungmennum

Færni í mannlegum samskiptum

Sveigjanleiki, frumkvæði og nákvæmni í starfi

Sjálfstæði í vinnubrögðum

Skipulagshæfni

Helstu verkefni og ábyrgð

Ber ábyrgð á að virkja einstaklinga til sjálfstæðis

Veita persónulega þjónustu og stuðning í daglegu lífi einstaklinga sem sniðin er að þörfum og væntingum hvers og eins

Er fyrirmynd allra þjónustunotenda

Tekur þátt í daglegu lífi þeirra og framfylgir þjónustuáætlunum og markmiðum

Fylgist með ástandi húsnæðis og húsbúnaðar og ber ábyrgð á að það sé hreint og snyrtilegt á hverri vakt