Óska eftir NPA aðstoðarmanneskju

Ég er 31 árs gömul kona sem notast við hjólastól og óska eftir aðstoðarmanneskju í hlutastarf. Ég bý í eigin íbúð í Grafarholtinu með unnustanum mínum og hundinum okkar. Þar sem um er að ræða hlutastarf getur starfið t.d. hentað vel samhliða námi en starfshlutfallið er umsemjanlegt okkar á milli. Starfið felur að mestu í sér að hjálpa mér með heimilisstörf, versla, elda mat og aðstoða mig með hundinn minn en einnig líkamlega aðstoð þess á milli.

Umsækjendur skulu vera nokkuð líkamlega hraustir, með bílpróf, hreint sakarvottorð og eldri en 22 ára. Þá er mikilvægt að viðkomandi eigi auðvelt með að taka leiðsögn og geti dregið sig í hlé. Laun eru samkvæmt sérkjarasamningi NPA miðstöðvarinnar.

Aukalegir kostir sem eru þó ekki nauðsynlegir er að hafa gaman að eldamennsku og föndri.