Laus störf Hæfnileit Vinnustaðir Námskeið

OK samanstendur af gríðarlega öflugu starfsfólki, en þar sameinast eldmóður, reynsla og þekking starfsfólks sem setur þarfir viðskiptavina í forgang. OK hefur að skipa öflugu teymi reyndra sérfræðinga á flestum sviðum upplýsingatækni með langa reynslu af ráðgjöf, rekstri, þjónustu og innleiðingu lausna hjá flestum af stærstu og kröfuhörðustu fyrirtækjum og stofnunum landsins ásamt stórum erlendum viðskiptavinum. Vinnustaðurinn er krefjandi og skemmtilegur þar sem starfsmenn eru hvattir til að vera sjálfstæðir í starfi og hafa áhrif á eigið starfsumhverfi. Hjá OK starfar samhentur hópur fólks og er kapp lagt á að viðhalda góðum starfsanda, en það hefur skilað sér í ánægðu starfsfólki sem hefur fengið tækifæri til að vaxa og dafna í leik og starfi. OK hlaut viðurkenninguna  Fyrirmyndarfyrirtæki VR 2024 sem veitt er fyrirtækjum fyrir framúrskarandi vinnuumhverfi og starfsanda, en fyrirtækið hefur hlotið þá viðurkenningu fjögur ár í röð.

Vinnustaðurinn

OK leitar að starfsmanni á NOC vaktborð - Hlutastarf/Helgarvaktir

OK leitar að áhugasömum og metnaðarfullum einstakling til að sinna starfi NOC vaktmanns á miðlægri vöktunarmiðstöð félagsins. Um er að ræða hlutastarf með mætingu á starfsstöð á höfuðborgarsvæðinu.

Vinnutími er að jafnaði frá kl 8:00-16:00 aðra hverja helgi en möguleiki á tilfallandi vöktum utan dagtíma vegna afleysinga annarra í teyminu.

Hjá OK starfar fjölbreyttur hópur fólks og hvetjum við öll sem uppfylla hæfnikröfur og hafa áhuga á starfinu til að sækja um, óháð kyni.

Hvað er NOC ?

NOC (Network Operations Center) er okkar 24x7 vöktunarþjónusta.

Vöktunarþjónusta felur í sér vöktun á tölvukerfum allan sólarhringinn, alla daga ársins og býr að öflugum hópi sérfræðinga, vöktunarkerfum og ferlum sem tryggja þann uppitíma sem krafist er.

Helstu verkefni og ábyrgð

Helgar (08:00-16:00) - ásamt möguleika á tilfallandi vöktum
Umsýsla kerfa, útstöðva og annarra jaðartækja
Úrvinnsla verkbeiðna
Þjónusta við notendur
Önnur tilfallandi verkefni

Menntunar- og hæfniskröfur

Nám í kerfisstjórnun eða önnur menntun sem nýtist í starfi er kostur
Hreint sakavottorð er skilyrði
Öguð og sjálfstæð vinnubrögð
Geta til að vinna í hóp og vera hluti af teymi
Góð færni í íslensku, bæði skrifuðu og töluðu máli
Góð færni í ensku, bæði skrifuðu og töluðu máli
Umsækjendur þurfa að hafa náð 20 ára aldri

Vinnustaðurinn OK

OK stendur saman af gríðarlega öflugu starfsfólki, en þar sameinast eldmóður, reynsla og þekking starfsfólks sem setur þarfir viðskiptavina í forgang.

OK hlaut viðurkenninguna Fyrirmyndarfyrirtæki VR 2024, 2025 og 2026 sem veitt er fyrirtækjum fyrir framúrskarandi vinnuumhverfi og starfsanda.

Vinnustaðurinn er krefjandi og skemmtilegur þar sem starfsfólk er hvatt til að vera sjálfstætt í starfi og hafa áhrif á eigið starfsumhverfi.  

Hjá OK starfar samhentur hópur fólks og er kapp lagt á að viðhalda góðum starfsanda, en það hefur skilað sér í ánægðu starfsfólki sem hefur fengið tækifæri til að vaxa og dafna í leik og starfi. 

Allar umsóknir og fyrirspurnir verða meðhöndlaðar sem trúnaðarmál og hvetjum við öll sem telja sig búa yfir þeirri getu og færni sem leitast er eftir og hafa áhuga á að starfa hjá einum eftirsóknarverðasta vinnustað landsins til að sækja um, óháð kyni.

Eingöngu er tekið við umsóknum í gegn um Alfreð. 

Nánari upplýsingar um starfið veitir Ingveldur Gyða Gísladóttir, mannauðsfulltrúi, [email protected]

Auglýsing birt7. júlí 2026

Umsóknarfrestur19. júlí 2026

Tungumálahæfni