Öryggisvörður í sumarstarf í Reykjanesbæ

Lætur þú öryggi þig varða?

Langar þig í spennandi sumarstarf þar sem þú getur haft áhrif á öryggi og velferð annarra? Öryggismiðstöðin leitar að metnaðarfullu starfsfólki í fjölbreytt og krefjandi störf í Reykjanesbæ og á Suðurnesjunum. Ef þú ert jákvæð/ur/tt, snögg/ur/t að taka ákvarðanir og hefur ástríðu fyrir öryggismálum, þá gæti þetta verið starfið fyrir þig!

Hvað bjóðum við þér?

• Vaktavinnu með sveigjanleika (fullt starf eða hlutastarf)
• Fjölbreytt verkefni í framsæknu umhverfi
• Þjálfun í öryggis- og þjónustufærni
• Tækifæri til starfsþróunar innan Öryggismiðstöðvarinnar
• Samheldinn vinnustað með stuðningi reyndra starfsfélaga

Helstu verkefni og ábyrgð:

• Almenn öryggisgæsla og þjónusta á vegum fyrirtækisins
• Aðstoð við viðskiptavini við úrlausn öryggistengdra verkefna
• Almenn ábyrgð á öllum búnaði sem öryggivörður hefur til umráða hverju sinni
• Skýrslugerð og upplýsingamiðlun eftir þörfum

Menntunar- og hæfniskröfur:

Nauðsynleg hæfni:

• Gild ökuréttindi
• Hrein sakaskrá
• Góð enskukunnátta
• Rík þjónustulund og hæfni í mannlegum samskiptum

Æskileg hæfni:

• Reynsla í öryggis- eða þjónustustörfum
• Þekking á skyndihjálp eða viðbragðsþjálfun

Umsóknarferli og frekari upplýsingar:

Starfstímabilið er frá maí/júní til september/október 2025.

Farið verður með allar umsóknir sem trúnaðarmál. Starfsmenn þurfa að skila inn sakavottorði og lágmarksaldur er 20 ára. Með umsókn þarf að fylgja ferilskrá.

Starfið er á sviði Mannaðra lausna sem veitir fjölbreytta þjónustu öryggisvarða, meðal annars útkallsþjónustu, vaktferðir, verðmætaflutninga og almenna öryggisgæslu fyrir viðskiptavini Öryggismiðstöðvarinnar. Öryggismiðstöðin er framsækið þjónustufyrirtæki sem býður upp á fjölbreyttar lausnir og þjónustu í öryggis-og velferðartækni, fyrir einstaklinga og fyrirtæki.

Hjá Öryggismiðstöðinni starfar öflugur hópur sérfræðinga sem býr yfir brennandi áhuga, faglegri þekkingu og mikilli reynslu af þjónustu við viðskiptavini. Við leggjum ríka áherslu og metnað í gæði ráðgjafar við val á lausnum.

Við leggjum áherslu á vandaða og persónulega þjónustu með gildi fyrirtækisins að leiðarljósi, forystu, umhyggju og traust.

Nánari upplýsingar má fá með því að senda tölvupóst á [email protected]