Öryggisverðir í hafnarþjónustu - Sumarstarf

Öryggismiðstöðin er framsækið þjónustufyrirtæki sem sérhæfir sig í fjölbreyttum lausnum og þjónustu í öryggis- og velferðartækni fyrir einstaklinga og fyrirtæki. Við erum með vaxandi hóp sérfræðinga sem býr yfir brennandi áhuga, djúpstæðri fagþekkingu og mikilli reynslu í þjónustu við viðskiptavini.

Við leggjum áherslu á vandaða og persónulega þjónustu með gildi fyrirtækisins að leiðarljósi, forystu, umhyggju og traust.

Ertu með brennandi áhuga á öryggismálum ?

Öryggismiðstöðin leitar eftir einstaklingum í öryggisgæslu á höfninni á höfuðborgarsvæðinu. Starfið felur í sér að tryggja öryggi og eftirlit á svæðinu ásamt því að sinna daglegum verkefnum á höfninni.

Starfið er á sviði Mannaðra lausna sem veitir fjölbreytta þjónustu öryggisvarða, meðal annars útkallsþjónustu, vaktferðir, verðmætaflutninga og almenna öryggisgæslu fyrir viðskiptavini Öryggismiðstöðvarinnar. Um er að ræða starf á samhentum, traustum og metnaðarfullum vinnustað.

Við leitum að einstaklingum til starfa sem geta unnið sjálfstætt en einnig í liði, hafa ástríðu fyrir öryggi og velferð annarra, eru jákvæðir og geta tekið ákvarðanir skjótt og vel.