Þörungaverksmiðjan hf. / Thorverk

Þörungaverksmiðjan hf. hefur verið starfrækt í nærri hálfa öld í sátt við náttúru, landeigendur og yfirvöld. Sjálfbær nýting á klóþangi og hrossaþara í Breiðafirði er grundvöllur fyrir rekstri fyrirtækisins; ekki er tekið meira en vex aftur fram að næsta slætti. Verksmiðjan nýtir jarðhita til að þurrka sjávarfangið sem síðan er malað, stærðarflokkað og selt út um allan heim. Sjálfbær nýting á villtum stórþörungum, lífræn vinnsla og afurðum eru alþjóðlega vottaðar. Þörungaverksmiðjan er annar stofnenda Þörungamiðstöðvar Íslands og er dyggur bakhjarl hennar. Hún er vaxandi þekkingarsetur um þörunga við Ísland, rannsóknir, kennslu og nýtingu. Þörungaverksmiðjan er einnig virkur hluthafi í Þörungaklaustrinu; fyrirtæki um vöruþróun úr þangi og þara. Vissulega mjög fjölbreytt verkefni í dásamlegri náttúrulegu umhverfi.

Vinnustaðurinn

Öryggisstjóri

Þörungaverksmiðjan á Reykhólum leitar að framsýnum, metnaðarfullum og árangursdrifnum öryggisstjóra. Leitað er að reyndum aðila með góða samstarfs- og samskiptahæfileika. Öryggisstjóri vinnur að stöðugum umbótum sem tryggja öryggi starfsfólks og eykur þekkingu þess á öryggismálum.

Helstu verkefni og ábyrgð

Yfirumsjón með öryggis- og vinnuverndarmálum.
Skapar, viðheldur og er ábyrgur fyrir öryggismenningu.
Þjálfun og fræðsla fyrir starfsfólk ásamt þróun fræðsluefnis.
Umsjón með ytri og innri úttektum.
Kemur að endurbótum á ferlum, verkferlum, verkfærum og vinnuvélum.
Umsjón með atvikaskráningu, greiningu atvika og eftirfylgni úrbóta.
Heldur utan um gagnasöfnun og úrvinnslu.
Viðhald og endurnýjun á öryggis- og gæðahandbókum.

Menntunar- og hæfniskröfur

Menntun sem nýtist í starfi.
Góð þekking og reynsla á sviði öryggisstjórnunar og straumlínustjórnunar.
Þekking á uppbyggingu, þróun og stjórnun öryggiskerfa.
Frumkvæði og sjálfstæði í vinnubrögðum.
Faglegur metnaður og skipulagshæfni.
Góð íslensku- og enskukunnátta og hæfni til að tjá sig í ræðu og riti.
Góð tölvukunnátta.

Þörungaverksmiðjan hf. á Reykhólum sækir þang- og þara í Breiðafjörð og framleiðir lífrænt hágæða þörungamjöl. Nýting sjávargróðurs er vottuð sem sjálfbær og vinnsla og afurðir eru lífrænt vottaðar. Afurðir eru að langmestu leyti fluttar út og m.a. nýttar til framleiðslu fóðurbætis, áburðar og snyrtivara auk alginats sem notað er í matvæla- og lyfjaframleiðslu. Verksmiðjan rekur skip og sláttupramma og er með eigin hitaveitu. Ársverk eru um 20 auk verktaka á sláttarprömmum. Á Reykhólum er mikil náttúrufegurð. Þar er m.a. grunnskóli, leikskóli, heilsugæsla, dvalarheimili, sundlaug, bókasafn og önnur þjónusta

Sótt er um starfið gegnum heimasíðu Vinnvinn.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Nánari upplýsingar um starfið veita Jensína K. Böðvarsdóttir (jensina@vinnvinn.is) og Margrét Stefánsdóttir (margret@vinnvinn.is) hjá Vinnvinn.

Auglýsing birt5. september 2024

Umsóknarfrestur22. september 2024

Tungumálahæfni