Gæðastjóri
Við hjá sjávarliftæknifyrirtækinu Primex ehf á Siglufirði leitum að tækni- og gæðastjóra í teymið okkar til að leiða gæðamál framleiðslu Primex á Siglufirði.
Markmið Primex er öflug gæðastefna með áherslu á sjálbærni og umhverfismál, unnið er eftir vottuðum gæðakerfum.
Gæðastjóri tekur virkan þátt í að greina tækifæri til úrbóta og hagræðingar í framleiðslu og rekstri auk þess að fylgja eftir verkefnum.
Starf gæðastjóra tilheyrir framleiðslusviði Primex, starfsstöð er í húsakynnum félagsins á Siglufirði.
- Sér um daglegan rekstur og eftirlit með gæðakerfi
- Fylgir eftir gæðavottunum og stöðlum
- Sér um viðhald og útgáfu ferla og annarra skjala gæðahandbóka
- Sér um framkvæmd innri og ytri úttekta auk úrvinnslu
- Sinnir fræðslu til starfsmanna á sviði gæða- og framleiðslumála auk þess að efla umhverfisvitund
- Stýrir og kemur með tillögur að úrbótum á sviði gæðamála
- Vinnur úr upplýsingum og lykiltölum til að meta árangur og virkni gæðakerfis
- Þekking og reynsla af gæðamálum
- Sjálfstæði í vinnubrögðum, mikið frumkvæði og lausnamiðuð vinnubrögð
- Hæfni og reynsla af framsetningu efnis og miðlun þess
- Jákvætt viðhorf, þjónustulund og lipurð í samskiptum
- Góð íslensku- og enskukunnátta í töluðu og rituðu máli
- Háskólamenntun sem nýtist í starfi
- Áhugi og þekking á umhverfismálum
Primex ehf er sjávarlíftæknifyrirtæki sem er leiðandi í heiminum í framleiðslu á hágæða kítósani, náttúrulegum lífvirkum trefjum. Framleiðsla Primex er sjálfbær og er hráefnið rækjuskel sem áður var úrgangur. Markmið Primex er að stunda vísindalega nýsköpun sem miðar að því að bæta líf manna og dýra. Primex er handhafi Nýsköpunarverðlauna Íslands.