Laus störf Hæfnileit Vinnustaðir Námskeið

Seljaskóli

Seljaskóli við Kleifarsel er grunnskóli fyrir nemendur í 1.-10. bekk í efri hluta Seljahverfis. Þar sækja rúmlega 670 nemendur skóla og við hann starfa um 100 starfsmenn. Starfið byggir á grunngildum skólans, samvinnu- ábyrgð- trausti – og tillitssemi og er skólastarf sem stuðlar að vellíðan nemenda og starfsmanna (SÁTT). Sérstök áhersla er lögð á félagsfærni og sjálfseflingu í anda Menntastefnu Reykjavíkurborgar, Látum draumana rætast. Allt starf Seljaskóla byggir á teymisvinnu og vinnur kennarateymi saman að kennslu árgangs, þróun skólastarfs og samvinnu við foreldra.

Vinnustaðurinn

Náttúrufræðikennari í unglingadeild í Seljaskóla

Laus er til umsóknar 100% tímabundin staða náttúrfræðikennara í unglingadeild með umsjón í Seljaskóla veturinn 2026-2027.

Allt starf Seljaskóla byggir á teymisvinnu og vinnur kennarateymi saman að kennslu árgangs, þróun skólastarfs og samvinnu við foreldra.

Helstu verkefni og ábyrgð

Annast kennslu nemenda samkvæmt megin markmiðum Aðalnámskrá grunnskóla í samráði við skólastjórnendur.
Vinnur að þróun skólastarfs með stjórnendum og samstarfsmönnum.
Heldur utan um nám- og kennslu í náttúrufræði á unglingastigi.
Stuðlar að velferð nemenda í samstarfi við annað fagfólk og foreldra.
Vinna samkvæmt stefnu skólans.

Menntunar- og hæfniskröfur

Leyfi til að nota starfsheitið grunnskólakennari.
Reynsla af náttúrufræðikennslu er æskileg.
Þekking á náttúrufræði er mikilvæg.
Framúrskarandi hæfni í mannlegum samskiptum.
Hæfni og áhugi á að vinna með öðrum.
Góð kunnátta í íslensku skilyrði, hvort sem er talað mál eða ritað, a.m.k. C1 samkvæmt Samevrópska matsrammanum.
Faglegur metnaður og sveigjanleiki í starfi.
Reynsla og áhugi á að vinna með börnum.
Áhugi og vilji til að starfa í teymisvinnu.
Hreint sakavottorð í samræmi við lög sem og reglur Reykjavíkurborgar.
Jákvæðni og lipurð í samskiptum og samstarfi
Heiðarleiki og stundvísi