Laus störf Hæfnileit Vinnustaðir Námskeið

Snælandsskóli

Skólastarf í Snælandsskóla einkennist af góðum skólabrag sem grundvallast á gagnkvæmu trausti og virðingu í öllum samskiptum. Áhersla er lögð á að hver og einn þroski hæfileika sína á eigin forsendum. Í Snælandsskóla er unnið að heilbrigðum lífsháttum í sátt við náttúru og umhverfi. Skólastarf Snælandsskóla einkennist af skapandi starfsumhverfi og fjölbreyttum kennsluháttum sem byggja á vináttu og virðingu fyrir fólki, náttúru og umhverfi. Einkunnarorð skólans eru viska, virðing, víðsýni og vinsemd en þau eru leiðarljós fyrir allt starf skólans. Meginmarkmið Snælandsskóla eru að nemendur þroski hæfileika sína á eigin forsendum, að skólastarfið einkennist af skapandi starfsumhverfi og fjölbreyttum kennsluháttum sem byggi á vináttu og virðingu fyrir fólki, náttúru og umhverfi, og að nemendur tileinki sér heilbrigð lífsviðhorf og lífsstíl. Snælandsskóli er Réttindaskóli UNICEF en í því felst að byggja upp lýðræðislegt umhverfi, standa vörð um réttindi barna og rækta með markvissum hætti þekkingu, leikni og viðhorf sem hjálpar börnum að verða gagnrýnir, virkir og hæfir þátttakendur í samfélaginu okkar.

Vinnustaðurinn

Forstöðumaður frístundar í Snælandsskóla

Snælandsskóli leitar að jákvæðum og áhugasömum einstaklingi í starf forstöðumanns frístundar.

Snælandsskóli er heildstæður um 470 nemenda grunnskóli staðsettur í Fossvogsdal. Skólinn byggir á langri hefð fyrir framsæknu og árangursríku skólastarfi þar sem áhersla hefur verið lögð á þátttöku í margs konar þróunar- og nýbreytniverkefnum. Skólinn er Grænfána skóli í samvinnu við Landvernd, styðst við Olweusaráætlunina gegn einelti og þá er skólinn líka Réttindaskóli Unicef.

Einkunnarorð skólans eru: Viska – virðing – víðsýni – vinsemd.

Starfssvið og helstu verkefni

Umsjón með skipulagi og rekstri frístundar.
Vinna að starfsáætlun og mótun félagslegs starfs og í samráði við skólastjórnendur.
Samvinna og samstarf við kennara, foreldra og stjórnendur.

Menntunar og hæfniskröfur

Háskólanám (BEd, BA) á sviði tómstunda-, uppeldis- og/eða félagsfræða
Reynsla skipulögðu starfi með börnum
Reynsla af stjórnun er æskileg
Hæfni til að skipuleggja faglegt starf og veita því forystu
Þolinmæði og framúrskarandi hæfni í samskiptum.
Viðkomandi þarf að vera skipulagður, sýna sjálfstæði og frumkvæði í starfi.
Viðkomandi þarf að vera lausnarmiðaður í hugsun og geta sýnt sveigjanleika í skipulagi
Stundvísi og áreiðanleiki er skilyrði.
Áhugi á að vinna með fjölbreytta nemendahópa.
Umsækjandi þarf að vera tilbúinn að vinna eftir stefnu skólans.