Myndmenntakennari
Óskað er eftir faglegum, skapandi og áhugasömum kennara til að kenna myndmennt í 100% starfi frá og með 1. ágúst 2025.
Stekkjaskóli er nýr grunnskóli á Selfossi sem tók til starfa haustið 2021. Fyrsti áfangi nýbyggingar skólans var tekinn í notkun í mars 2023 og 2. áfangi var tekinn í notkun í janúar 2025. Þar er stór og vel skipulögð myndmenntastofa þar sem leirbrennsluofn verður í rúmgóðu herbergi.
Næsta haust er gert ráð fyrir um 380 nemendum í 1.-8. bekk. Fullbyggður verður skólinn fyrir um 500 nemendur í 1.-10. bekk. Í Stekkjaskóla er lögð áhersla á teymiskennslu, teymisvinnu, tækni og nýsköpun, skapandi skólastarf, umhverfismál og jákvæðan skólabrag.
Leitað er að metnaðarfullum, barngóðum og jákvæðum einstaklingi sem hefur færni, menntun og þekkingu til að kenna skapandi kennslugrein.
Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.
- Annast kennslu samkvæmt megin markmiðum Aðalnámskrá grunnskóla með hliðsjón af þörfum og þroska nemenda
- Umsjón með daglegu skólastarfi og viðkomandi nemendahópum
- Heldur utan um myndmenntasofu skólans, vélar, verkfæri og innkaup
- Samskipti á vegum skólans og við foreldra/forráðamenn
- Fylgist með velferð nemenda, hlúir að þeim andlega og líkamlega í samræmi við eðli og þarfir hvers og eins svo að þeir fái notið sín sem einstaklingar
- Tekur þátt í skólaþróun í samræmi við stefnu skólans og sveitarfélagsins
- Leyfisbréf grunnskólakennara
- Reynsla af kennslu í grunnskóla er æskileg sérstaklega í myndmennt eða öðrum list- og verkgreinum
- Frumkvæði, skipulagshæfileikar og sjálfstæð vinnubrögð
- Hæfni og áhugi á skólastarfi
- Góð færni í mannlegum samskiptum
- Hæfni til að tjá sig í ræðu og riti á íslensku
- Áhugi á skólaþróun og skapandi kennsluháttum mikilvægur
Íslenska
