Laus störf Hæfnileit Vinnustaðir Námskeið

Héraðsdómur Reykjaness

Umdæmi Héraðsdóms Reykjaness er ein dómþinghá, sbr. 1. gr. reglugerðar nr. 1109/2010. Eftirtalin sveitarfélög heyra til umdæmis hans: Garðabær, Grindavíkurbær, Hafnarfjarðarkaupstaður, Kópavogsbær, Reykjanesbær, Sandgerðisbær, Sveitarfélagið Garður og Sveitarfélagið Vogar.

Vinnustaðurinn

Móttökuritari/skrifstofufulltrúi

Héraðsdómur Reykjaness leitar að líflegum og drífandi einstaklingi í fjölbreytt þjónustustarf í móttöku dómstólsins. Héraðsdómur Reykjaness er staðsettur í hjarta Hafnarfjarðar, að Fjarðargötu 9.

Helstu verkefni og ábyrgð

Móttaka viðskiptavina, símsvörun og almenn afgreiðsla
Skráning í málaskrá dómstólanna og frágangur mála
Móttaka greiðslna og afstemming á sjóðsuppgjöri
Umsjón með sendingum til málsaðila o.fl.
Ýmis önnur tilfallandi verkefni

Menntunar- og hæfniskröfur

Stúdentspróf
Góð samskiptahæfni, þjónustulund og skipulagshæfni
Reynsla af málaskráningu í málaskráningarkerfi er kostur
Mjög góð tölvufærni og færni til að tileinka sér tækninýjungar
Mjög góð íslenskukunnátta og góð enskukunnátta

Um er að ræða 100% starf og eru áhugasamir einstaklingar, óháð kyni, hvattir til að sækja um starfið.

Umsóknarfrestur er til og með 30. janúar nk. Ráðið verður í starfið frá og með 1. júní 2026.

Umsóknum skal fylgja starfsferilskrá ásamt kynningarbréfi þar sem gerð er grein fyrir ástæðum umsóknar og hvernig umsækjandi fullnægi fyrrgreindum hæfniskröfum.

Nánari upplýsingar veitir Arndís Sveinbjörnsdóttir skrifstofustjóri og skulu fyrirspurnir sendar á netfangið [email protected].

Laun eru samkvæmt gildandi kjarasamningi sem fjármála- og efnahagsráðherra f.h. ríkissjóðs og Sameyki-stéttarfélag í almannaþjónustu hafa gert.

Umsóknir um starfið gilda í sex mánuði frá birtingu auglýsingar. Öllum umsóknum verður svarað þegar ákvörðun um ráðningu hefur verið tekin.

Auglýsing birt16. janúar 2026

Umsóknarfrestur30. janúar 2026

Tungumálahæfni