Iðan fræðslusetur

Iðan er fræðslusetur í iðnaði og sinnir símenntun starfsmanna í bílgreinum, bygginga- og mannvirkjagreinum, málm- og véltæknigreinum, prent- og miðlunargreinum og matvæla- og veitingagreinum. Námsframboðið er fjölbreytt og í stöðugri þróun en markmið Iðunnar er að stuðla að framúrskarandi færni, framþróun og nýsköpun meðal starfsfólks í iðngreinum.

Vinnustaðurinn

Markaðs- og sölustjóri

Langar þig að stýra markaðs- og sölustarfi leiðandi fræðsluseturs í iðnaði?

Iðan fræðslusetur leitar að metnaðarfullum og framsýnum markaðs- og sölustjóra. Hafir þú brennandi áhuga á að styðja við vöxt í fræðslustarfi og auka vitund um vörumerki og þjónustu með öflugu markaðs- og sölustarfi, gæti þetta verið starf fyrir þig.

Markaðs- og sölustjóri leiðir markaðs- og sölustarf Iðunnar, ber ábyrgð á vef Iðunnar, daglegum markaðsverkefnum og á í miklum samskiptum við starfsfólk Iðunnar þvert á félagið. Markaðs- og sölustjóri heyrir undir framkvæmdastjóra Iðunnar og situr í framkvæmdastjórn félagsins.

Helstu verkefni og ábyrgð

Móta og innleiða markaðsstefnu, sem og markaðs- og söluáætlanir
Stýra markaðsaðgerðum
Greina markhópa þvert á iðngreinar og laga markaðsaðgerðir að þeim
Greina og skrá árangur markaðsaðgerða
Hafa umsjón með og sinna beinni sölu
Fylgjast náið með þróun í markaðsfræðum og stafrænni tækni
Gerð og eftirfylgni með framkvæmda- og rekstraráætlunum vegna markaðs- og sölustarfs
Vinna náið með öðrum deildum félagsins
Eiga í samskiptum og samvinnu við ytri samstarfsaðila í markaðsmálum

Menntunar- og hæfniskröfur

Háskólamenntun sem nýtist í starfi
Reynsla af markaðssetningu og sölumálum
Reynsla af stafrænum markaðstækjum og greiningartólum
Farsæl stjórnunarreynsla og leiðtogahæfni
Framúrskarandi færni í mannlegum samskiptum
Góð færni í íslensku og ensku, bæði í ræðu og riti
Þekking á fræðslu og símenntun er kostur
Þekking á iðngreinum er kostur

Iðan er leiðandi fræðslusetur í iðnaði og þjónustar bílgreinar, bygginga- og mannvirkjagreinar, málm- og véltæknigreinar, matvæla- og veitingagreinar og prent- og miðlunargreinar. Námsframboðið er fjölbreytt og í stöðugri þróun en markmið Iðunnar er að stuðla að framúrskarandi færni, framþróun og nýsköpun meðal starfsfólks í iðngreinum.

Iðan fræðslusetur er góður vinnustaður þar sem starfar metnaðarfullt starfsfólk. Verkefnin eru fjölbreytt, við leggjum áherslu á gott samstarf og tækifæri til vaxtar.

Nánari upplýsingar

Þórdís Sif Arnarsdóttir – [email protected]

Auglýsing birt24. júní 2025

Umsóknarfrestur3. júlí 2025

Tungumálahæfni