Lebowski Bar er einn vinsælasti staður landsins og eru hamborgararnir ein af mörgum ástæðum þess. Sérblandað nautakjöt og sérbökuð brauð á góðu verði eru einmitt góðar ástæður fyrir marga til að leggja leið sína á Lebowski bar. Einnig eru mjólkurhristingarnir vinsælir og sérstaklega þegar sólin lætur sjá sig; þá setjast gestir á útiborðasvæðið og gæða sér á vinsælum sumardrykkjum. Um leið og þú gengur inn á Lebowski Bar upplifir þú dálitla fortíðarstemningu og þú veist undir eins að þetta er rétti staðurinn til að fá sér nokkra drykki og skemmta sér vel. Góður andi inni á staðnum er tryggður með því að velja vandlega réttu tónlistina, klassískt rokk frá árunum 1950 til 1980, og skapa stemningu sem The Dude úr The Big Lebowski myndi klárlega mæla með. Allir stórir íþróttaviðburðir eru sýndir á fimm háskerpuskjám staðarins og er hægt að panta borð í síma 552-2300 fyrir hópinn sinn. Efri hæðin á Lebowski er tilvalin fyrir einkasamkvæmi. Hæðin tekur allt að 90 manns og kostar ekkert að leigja hana fyrir hópa.