Lyfja Hólagarði - þjónusta og ráðgjöf

Við leitum að jákvæðum og sjálfstæðum einstaklingi með ríka þjónustulund í sölu og afgreiðslu í Lyfju Hólagarði. Starfið felst í að veita almenna ráðgjöf til viðskiptavina um val á vörum og að tryggja góða þjónustuupplifun.

Hlutverk og ábyrgð

• Ráðgjöf til viðskiptavina um val á vörum
• Þjónusta og almenn afgreiðslustörf
• Áfyllingar í verslun
• Afhending lyfja gegn lyfseðli

Hvaða hæfni þarft þú að hafa?

• Ríka þjónustulund og gott viðmót
• Áhuga á mannlegum samskiptum
• Áhuga á heilsu og vellíðan
• Reynslu af verslunarstörfum
• Reynslu af störfum í apóteki (kostur)

Starfið

Um hlutastarf er að ræða og vinnutími er samkvæmt samkomulagi á opnunartíma verslunar:

• Virkir dagar 10:00-18:00
• Laugardagar 10:00-14:00

Umsækjandi þarf að hafa ágæta íslensku- og enskukunnáttu og geta hafið störf í nóvember.

Hvers vegna Lyfja?

Lyfja er leiðandi fyrirtæki í íslenskri heilbrigðisþjónustu með það að markmiði að auka lífsgæði og efla heilsu. Við rekum 42 verslanir hringinn í kringum landið auk Lyfju Heyrnar og lyfjaskömmtunar. Hjá okkur starfar öflugur hópur heilbrigðismenntaðs og sérþjálfaðs starfsfólks sem styður við viðskiptavini í þeirra heilsueflingu, vinnur að vellíðan og tryggir lyfjaöryggi. Við leggjum áherslu á faglega og hlýlega þjónustu og stöðuga nýsköpun.

Við leggjum okkur fram um að skapa vinnuumhverfi þar sem starfsfólk upplifir jákvæðan starfsanda, fær tækifæri til að þróast í starfi og nýtir hæfileika sína til fulls. Við bjóðum upp á öfluga fræðslu og leggjum mikla áherslu á gott jafnvægi milli vinnu og einkalífs. Starfsfólk Lyfju nýtur góðra kjara á vörum og þjónustu hjá ELKO, Krónunni, Lyfju og N1, sem öll eru hluti af Festi hf.

Nánari upplýsingar veitir Þorsteinn Hjörtur Bjarnason, lyfsali Lyfju Hólagarði í síma 577-2600 og [email protected]

Farið verður með allar umsóknir og fyrirspurnir sem trúnaðarmál.