Hjúkrunarfræðingur í hjúkrunarþjónustu Lyfju

Við leitum að öflugum og metnaðarfullum hjúkrunarfræðingi í hjúkrunarþjónustu Lyfju í Lágmúla og/eða á Smáratorgi. Um er að ræða fjölbreytt og skemmtilegt starf í líflegu umhverfi þar sem aðaláherslan er á faglega þjónustu og ráðgjöf í heilsueflingu og forvörnum. Í hjúkrunarþjónustu Lyfju starfar hópur hjúkrunarfræðinga og sérhæfðs starfsfólks sem sinnir þjónustu við fjölbreyttan hóp viðskiptavina á lifandi og skemmtilegum vinnustað.

Hlutverk og ábyrgð

• Þjónusta og ráðgjöf á heilsu- og hjúkrunarvörum, s.s. stómavörum, þvagleggjum og næringardrykkjum.
• Hjúkrunarþjónusta, þar á meðal heilsufarsmælingar, sáraumbúðaskipti, eyrnahreinsun, sprautugjöf og árstíðabundnar bólusetningar.
• Ráðgjöf og fræðsla um heilsueflingu og forvarnir.
• Önnur tilfallandi verkefni tengd hjúkrunarþjónustu.

Hvaða hæfni þarft þú að hafa?

• Íslenskt hjúkrunarleyfi.
• Þekkingu og áhuga á heilsueflingu og forvarnarstarfi.
• Góða samskiptahæfni og ríka þjónustulund.
• Getu til að vinna í teymi.
• Sjálfstæði í vinnubrögðum.

Starfið

Um framtíðarstarf er að ræða og starfshlutfall eftir samkomulagi á opnunartíma hjúkrunarþjónustunnar. Staðsetning getur ýmist verið á Smáratorgi eða í Lágmúla eða á báðum stöðum, eftir samkomulagi og þörfum.

Hvers vegna Lyfja?

Lyfja er leiðandi fyrirtæki í íslenskri heilbrigðisþjónustu með það að markmiði að auka lífsgæði og efla heilsu. Við rekum 42 verslanir hringinn í kringum landið auk Lyfju Heyrnar og lyfjaskömmtunar. Hjá okkur starfar öflugur hópur heilbrigðismenntaðs og sérþjálfaðs starfsfólks sem styður við viðskiptavini í þeirra heilsueflingu, vinnur að vellíðan og tryggir lyfjaöryggi. Við leggjum áherslu á faglega og hlýlega þjónustu og stöðuga nýsköpun.

Við leggjum okkur fram um að skapa vinnuumhverfi þar sem starfsfólk upplifir jákvæðan starfsanda, fær tækifæri til að þróast í starfi og nýtir hæfileika sína til fulls. Við bjóðum upp á öfluga fræðslu og leggjum mikla áherslu á gott jafnvægi milli vinnu og einkalífs. Starfsfólk Lyfju nýtur góðra kjara á vörum og þjónustu hjá ELKO, Krónunni, Lyfju og N1, sem öll eru hluti af Festi hf.

Nánari upplýsingar um starfið veitir Urður G. Norðdahl, yfirhjúkrunarfræðingur Lyfju Lágmúla í síma 533-2300 og á [email protected]

Farið verður með allar umsóknir og fyrirspurnir sem trúnaðarmál.