Aðstoðardeildarstjóri á Eir, blundar í þér stjórnandi?

Eir óskar eftir metnaðarfullum, áhugasömum og hressum hjúkrunarfræðingi í stöðu aðstoðardeildarstjóra í fullt starf.Þriðja hæð heimilisins er blönduð deild með 39 íbúum og þremur hvíldarrýmum. Við leggjum áherslu á heimilislegan brag, jákvæðni, samvinnu og samveru. Mikil áhersla er lögð á að starfsfólk fái þjálfun við að mæta sérþörfum heimilismanna.

Mikilvægt er að viðkomandi geti tekið þátt í teymisvinnu, setið fjölskyldufundi og verið í samskiptum við ættingja.Aðstoðardeildarstjóri starfar náið með öðrum stjórnendum og fylgir eftir ákvörðunum um skipulag hjúkrunar og verklag á deild sem og innleiðingu nýjunga í hjúkrun er stuðla að auknum gæðum, vellíðan og öryggi sjúklinga.

Helstu verkefni og ábyrgð

• Ábyrgð og skipulagning á hjúkrunarþjónustu í samráði við deildarstjóra.
• Aðstoðardeildarstjóri er staðgengill hjúkrunardeildarstjóra.
• Sérstök ábyrgð á tilteknum verkefnum og gæðastarfi.
• Almenn störf hjúkrunarfræðings/vaktstjóra.

Menntunar- og hæfniskröfur:

• Íslenskt hjúkrunarleyfi er skilyrði.
• Frumkvæði, skipulögð vinnubrögð og faglegur metnaður.
• Jákvætt viðmót og framúrskarandi samskiptahæfni.
• Stjórnunarreynsla er kostur.
• Reynsla af RAI-mælitækinu er kostur.
• Góð íslenskukunnáttu er skilyrði

Umsóknarfrestur:

Umsóknarfrestur er til og með 26. júlí 2026 og hvetjum við öll áhugasöm sem uppfylla ofangreindar hæfnikröfur til að sækja um starfið. Umsókn þarf að fylgja náms- og starfsferilsskrá. Öllum umsóknum verður svarað.

Laun greidd samkvæmt gildandi stofnanasamningi Fíh og SFV.

Nánari upplýsingar veitir:

Þórdís Hulda Tómasdóttir, framkvæmdarstjóri hjúkrunarsviðs á netfanginu [email protected] eða Ólína Kristín Jónsdóttir, deildarstjóri á netfanginu [email protected]

Hlökkum til að heyra frá þér!

Eir, Hamrar og Skjól hjúkrunarheimili hafa hlotið jafnlaunavottun í samræmi við kröfur staðalsins ÍST 85.