Fjarskiptastofa

Fjarskiptastofa er sjálfstæð eftirlitsstofnun á sviði fjarskipta og netöryggis. Hún gegnir hlutverki landstengiliðs í netöryggismálum og leiðir samhæfingarvettvang eftirlitsstjórnvalda hvað varðar eftirlit með net- og upplýsingaöryggi mikilvægra innviða hér á landi. Stofnunin er samhæfingaraðili þegar öryggisatvik eiga sér stað og ber að horfa til almannahagsmuna þegar kemur að fjarskiptaöryggi. Stofnunin vinnur að framgangi þessara verkefna með framkvæmd áhættumata á fjarskiptamarkaði, úttekta á stjórnskipulagi upplýsingaöryggis á grundvelli fjarskiptalaga og laga um öryggi net- og upplýsingakerfa mikilvægra innviða og útgáfu leiðbeinandi tilmæla. Hjá Fjarskiptastofu starfar fjölbreyttur hópur sérfræðinga á sviði fjarskipta og netöryggis. Fjarskiptastofa leggur áherslu á að starfsmenn fái tækifæri til að sinna áhugaverðum verkefnum, þróast í starfi og viðhalda jafnvægi milli vinnu og einkalífs.

Vinnustaðurinn

Lögfræðingur

Fjarskiptastofa leitar að öflugum lögfræðingi á netöryggissvið stofnunarinnar. Um er að ræða spennandi starf í vaxandi málaflokki innan stofnunarinnar á sviði eftirlits með netöryggi fjarskiptafyrirtækja og mikilvægra innviða hér á landi. Í starfinu reynir á sjálfstæð vinnubrögð, getu til að vinna í teymi og framsýni. Heyrir starfið undir sviðsstjóra.

Leitað er að einstaklingi sem hefur brennandi áhuga á nýjum sviðum lögfræðinnar er varða netöryggi og stafræna þróun, sterka getu til að leiða mál áfram, býr yfir ríkum umbótavilja og samskiptahæfni til að taka þátt í framkvæmd eftirlits og innleiðingu löggjafar á þessu sviði.

Helstu verkefni og ábyrgð

Mat á lagalegri hlítni mikilvægra innviða og fjarskiptafélaga við lágmarkskröfur laga á sviði netöryggis með öðrum sérfræðingum sviðsins.
Stjórnsýsluskoðanir á alvarlegum atvikum á sviði netöryggis og/eða netárása hjá fjarskiptafyrirtækjum og mikilvægum innviðum.
Aðkoma að gerð lagafrumvarpa og reglugerða á sviði netöryggis, þ.m.t. er varðar innleiðingu á nýju Evrópuregluverki á þessu sviði.
Þátttaka í innlendu og alþjóðlegu samstarfi á sviði net- og upplýsingaöryggis eftir því sem við á.

Menntunar- og hæfniskröfur

Meistarapróf í lögfræði.
Viðbótar framhaldsmenntun, t.a.m. á sviði Evrópuréttar eða tækniréttar, er kostur.
Að minnsta kosti fimm ára reynsla sem nýtist í starfi. 
Þekking á sviði netöryggis er kostur. 
Sjálfstæð vinnubrögð.
Samstarfs- og samskiptahæfileikar, jákvæðni, framsækni og heilindi.
Góð íslensku- og enskukunnátta í ræðu og riti.

Fjarskiptastofa gegnir veigamiklu hlutverki á sviði netöryggis hér á landi og er ætlað að stuðla að öryggi almennings, fyrirtækja og samfélagsins alls á sviði fjarskipta- og netöryggis. Þá skal stofnunin horfa til almannahagsmuna og þjóðaröryggis við framkvæmd eftirlits síns á þessu sviði. 

Netöryggissviðið tekur til víðtækra verkefna – allt frá áhættugreiningum, úttektum og prófunum á netvörnum mikilvægra innviða til stefnumótunar og samstarfs við innlend og erlend stjórnvöld. Með samræmdri nálgun, virku samstarfi og gagnadrifnu eftirliti vinnur stofnunin að því að efla viðnámsþol íslensks samfélags gagnvart sífellt flóknari netógnum.

Sviðið fer einnig með eftirlit með rafrænum auðkenningum, rafrænum undirritunum og öðrum traustþjónustum. Þegar fram líða stundir mun það einnig sinna eftirliti tengdu stafræna auðkennisveskinu (EU Identity Wallet).

Þá hýsir netöryggissviðið Eyvöru – hæfnissetur Íslands í netöryggi. Eyvör er öflugur vettvangur fyrir fræðslu, þjálfun og samstarf sem miðar að því að efla færni, sérfræðiþekkingu og getu á sviði netöryggis.

Sjá einnig á www.fjarskiptastofa.is

Um er að ræða 100% starf. Æskilegt er að umsækjandi geti hafið störf sem fyrst. Launakjör eru samkvæmt kjarasamningi fjármála- og efnahagsráðherra við viðkomandi stéttarfélag.  

Viðkomandi ‏þarf að hafa hreint sakavottorð og forsenda ráðningar er að viðkomandi standist öryggisvottun á grundvelli varnamálalaga.

Nánar um ferlið:
Umsækjendur skulu senda inn ferilskrá (hámark 2 bls.) ásamt kynningarbréfi (hámark 1 bls.), á íslensku. Þar skal gera grein fyrir þeirri þekkingu, reynslu og hæfni umsækjanda sem nýtist til að sinna starfinu í samræmi við hæfniskröfurnar í auglýsingunni.

Umsóknir á erlendum tungumálum, án kynningarbréfa eða án ferilskráa verða ekki teknar til greina. Við ákvörðun um boðun í starfsviðtal verður sérstaklega horft til gæða umsóknargagna.

Við ákvörðun um ráðningu verður, auk framangreindra hæfnisviðmiða, tekið mið af frammistöðu í starfsviðtali og umsagna sem aflað er.

Við hvetjum þau sem eru áhugasöm til að sækja um starfið, óháð kyni og uppruna. 

Tekið skal fram að umsóknir geta gilt í sex mánuði frá birtingu auglýsingar, sbr. reglur um auglýsingar lausra starfa nr. 1000/2019.

Umsóknarfrestur um starfið er til og með 8. september n.k.

Sótt er um starfið á www.vinnvinn.is

Nánari upplýsingar um starfið veita Garðar Óli Ágústsson ([email protected]) og Jensína Kristín Böðvarsdóttir ([email protected]). Öllum umsóknum verður svarað að ráðningu lokinni.

Frekari upplýsingar veitir Unnur Kristín Sveinbjarnardóttir, sviðsstjóri netöryggissviðs ([email protected]).  

Auglýsing birt20. ágúst 2025

Umsóknarfrestur8. september 2025

Tungumálahæfni