Aðstoðarsaksóknari við embætti ríkissaksóknara

Meginverkefni starfsmannsins eru eftirfarandi:

a.      Meðferð réttarbeiðna frá erlendum yfirvöldum og til erlendra yfirvalda.

b.      Meðferð framsalsmála.

c.      Meðferð mála er varða afhendingu manna til og frá Íslandi á grundvelli evrópsku og norrænu handtökuskipunarinnar.

Starfsmaður á samskipti við ákærendur, lögreglu, lögmenn, dómstóla og ýmis embætti og stofnanir, þ.m.t. erlendar stofnanir, í tengslum við mál sem honum eru falin til meðferðar og afgreiðslu.

Starfsmaður tekur þátt í gæðastarfi ríkissaksóknara eftir því sem óskað er eftir.

Starfsmaður sinnir öðrum verkefnum sem ríkissaksóknari felur honum.

Umsækjendur skulu hafa lokið embættis- eða meistaraprófi í lögfræði og er einkum leitað eftir lögfræðingum sem hafa lagt sig eftir námsefni á sviði refsiréttar og sakamálaréttarfars í laganámi sínu.

Gerð er krafa um að umsækjendur hafi reynslu af lögfræðistörfum. Einnig er nauðsynlegt að umsækjendur hafi mjög gott vald á íslensku og ensku.

Þekking á sviði alþjóðlegrar samvinnu í sakamálum er kostur.

Lögð er á það áhersla að viðkomandi hafi skipulagshæfileika, geti viðhaft öguð og sjálfstæð vinnubrögð og eigi auðvelt með mannleg samskipti.