Listrænn húmoristi óskar eftir aðstoðarkonu

Ég er kona á besta aldri, bý í Kópavogi og er að leita að aðstoðarkonu til starfa í NPA þjónustu.

Ég hef gaman af lífinu og er úti um allt að gera alls konar hluti eins og að fara í sund og á menningarviðburði. Ég er í leiklist, sinni fjölbreyttum góðgerðarstörfum og sjálfboðaliðastörfum svo eitthvað sé nefnt. Ég er hreyfihömluð og nota hjólastól. Ég er að leita að aðstoðarkonu sem getur aðstoðað mig eftir þörfum í mínu daglega lífi.

Ég óska eftir aðstoðarkonu í hlutastarf (40-50%) og eru vaktirnar frá kl 12-20 í nokkra daga í viku og aðra hverja helgi.

Mikilvægt er að geta hafið störf sem fyrst og geta unnið yfir sumarið.

Ef þú hefur gaman af lífinu, getur tekið leiðsögn og átt auðvelt með mannleg samskipti þá er ég að leita að þér.