Leikskólinn Suðurborg

Leikskólinn Suðurborg er til húsa að Suðurhólum 19 í Reykjavík. Leikskólinn starfar í tveimur byggingum og rúmar önnur þeirra eina deild en hin 6 deildir auk sameiginlegra rýma. Leikskólinn tók formlega til starfa janúar 1979 og var þá þriggja deilda dagheimili með rými fyrir 72 börn. Leikskólinn hefur stækkað ört og er nú 6 deilda með rými fyrir 106 börn á aldrinum eins til sex ára. Boðið er upp á breytilegan dvalartíma þ.e. frá 4 og upp í 9 tíma vistun. Leikskólinn er opinn 7:30 til 16.30. Markmið leikskólans er að efla sjálfstæði hvers barns og skila því öruggu út í framtíðina. Þetta gerum við með því að vinna markvisst eftir tveimur kenningum sem eru í senn ólíkar en jafn mikilvægar í leik og starfi með börnum.

Vinnustaðurinn

Leikskólinn Suðurborg - Sérkennslustjóri

Laus er til umsóknar staða sérkennslustjóra í leikskólanum Suðurborg. Um er að ræða ótímabundið starf en í leikskólanum eru tvær stöður sérkennslustjóra en sú staða sem hér er auglýst heldur utan um íhlutun einhverfra barna.

Suðurborg er sérhæfður leikskóli í atferlisíhlutun einhverfra barna og starfar þar teymi þroskaþjálfa og leikskólasérkennara sem að sérkennslustjórinn hefur yfirumsjón yfir.

Suðurborg er 6 deilda leikskóli þar sem að 106 börn dvelja að jafnaði. Í leikskólanum er lögð áhersla á stuðning við jákvæða hegðun, sterka félagsfærni og að efla mál og læsi.

Starfið er laust nú þegar eða eftir samkomulagi

Helstu verkefni og ábyrgð

Ber ábyrgð á og stjórnar skipulagningu, framkvæmd og endurmati sérkennslunnar í leikskólanum ásamt leikskólastjóra.
Starfar samkvæmt lögum og reglugerð um leikskóla, lögum um málefni fatlaðra, öðrum lögum er við eiga og aðalnámskrá leikskóla.
Faglegur umsjónarmaður sérkennslu í leikskólanum og veitir ráðgjöf til annarra starfsmanna.
Hefur yfirumsjón með gerð verkefna og ber ábyrgð á gerð einstaklingsnámskráa fyrir börn sem þess þurfa.
Veita foreldrum/forráðamönnum barna, stuðning, fræðslu og ráðgjöf.
Vera faglegur tengiliður við aðila utan leikskólans sem tengjast sérkennslu.
Þátttaka í stefnumörkun skólans ásamt stjórnunarteymi og öðru samstarfi.

Menntunar- og hæfniskröfur

Leikskólasérkennara menntun, þroskaþjálfa menntun, sálfræðimenntun eða önnur sambærileg menntun sem nýtist í starfi.
Reynsla af sérkennslu æskileg.
Þekking á atferlisíhlutun kostur.
Lipurð og sveigjanleiki í samskiptum
Sjálfstæð og skipulögð vinnubrögð
Frumkvæði, áhugi, jákvæðni og metnaður í starfi.
Reynsla, áhugi og hæfni í starfi með börnum.
Færni til að tjá sig í ræðu o ng riti.
Góð íslenskukunnátta nauðsynleg.

Fríðindi í starfi

Heilsuræktarstyrkur
36 stunda vinnuvika fyrir fullt starf
Sundkort
Menningarkort – bókasafnskort
Samgöngustyrkur

Laun eru samkvæmt samningi Reykjavíkurborgar og viðkomandi stéttarfélags. Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Berglind Hallgrímsdóttir leikskólastjóri veitir nánari upplýsingar um starfið í síma 4113221 eða í netfanginu [email protected] og [email protected]

Auglýsing birt27. febrúar 2025

Umsóknarfrestur14. mars 2025

Tungumálahæfni