Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Leikskólinn Hagasteinn: Aðstoðarmatráður

Leikskólinn Hagasteinn á Akureyri óskar eftir að ráða aðstoðarmatráð í 100% stöðu sem er ótímabundin. Æskilegt er að viðkomandi geti hafið störf frá 1. ágúst 2026.

Í leikskólanum Hagasteini verður lögð áhersla á Jákvæðan aga, hæglæti og að skapa gott náms - og starfsumhverfi.

Þar sem um nýjan leikskóla er að ræða mun starfsfólk taka þátt í að byggja upp starf skólans frá grunni og því er um einstakt tækifæri að ræða fyrir metnaðarfulla einstaklinga.

Sýn okkar er: faglegur skóli, starfsánægja og fagleg forysta með gleði, traust og virðingu að leiðarljósi.

Helstu verkefni og ábyrgð

Aðstoðar matráð við gerð og framreiðslu matar fyrir nemendur og starfsfólk skv. skilgreindu dagsskipulagi.
Annast frágang og dagleg þrif í eldhúsi samkvæmt þrifaáætlun, gólfþvottur undanskilinn.
Sér um uppvask.
Sér um þvotta innan leikskólans.
Setur borðbúnað á vagna fyrir hverja máltíð.
Heldur kaffistofu snyrtilegri.
Aðstoðar í þeim verkefnum sem til falla í eldhúsi, s.s. að færa upp matinn, sjá um meðlæti, setja á vagna, tekur fullan þátt í matseld eftir þörfum, o.þ.h.
Leysir matráð af í fjarveru hans.
Sinnir öðrum þeim verkefnum sem yfirmaður felur honum og falla undir starfssvið hans.

Menntunar- og hæfniskröfur

Viðkomandi þarf að hafa náð 20 ára aldri.
Þekking á gerð og framreiðslu matar.
Almenn tölvuþekking er nauðsynleg.
Skipulagður, framtakssamur og duglegur.
Stundvísi, reglusemi og færni í samskiptum.
Sjálfstæður, ábyrgur og jákvæður einstaklingur.
Góð íslenskukunnátta æskileg.
Snyrtimennska.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Einingar-Iðju.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veita Stella Bryndís Karlsdóttir, skólastjóri í síma 848-4696, netfang [email protected].

Einungis er tekið á móti rafrænum umsóknum á heimasíðu Akureyrarbæjar;

www.akureyri.is

Aðgengi að tölvu og aðstoð vegna umsókna stendur til boða í þjónustuveri Akureyrarbæjar, Geislagötu 9.

Umsóknarfrestur er til 20. maí 2026.

Auglýsing birt4. maí 2026

Umsóknarfrestur20. maí 2026

Tungumálahæfni