Leikskólinn Akrar óskar eftir starfsmanni í snemmtæka íhlutu
Leikskólinn Akrar auglýsir eftir starfsmanni sem sinnir snemmtækri íhlutun í samvinnu við sérkennslustjóra og leikskólastjóra.
Akrar eru fjögurra deilda leikskóli þar sem áhersla er lögð á nám í gegn um leik í skapandi námsumhverfi. Grunngildi leikskólans eru virkni og vellíðan þar sem við viljum að öllum börnum og fullorðnum líði vel og upplifi gleði og sigra á hverjum degi.
Viltu vera með í okkar liði?
· Sinnir snemmtækri íhlutun inná deildum og styður við börn sem þess þurfa
- Tekur þátt í að efla faglegt starf í samstarfi við deildarstjóra og annað starfsfólk
- Sinnir málörvun og eflir félagsfærni barna
- Kemur að innleiðingarferli snemmtækrar íhlutunar í leikskólanum
· Leyfisbréf til kennslu* (leyfisbréf fylgi umsókn) eða menntun á sviði sérkennslufræða, uppeldisfræði, þroskaþjálfunar eða önnur sambærileg menntun sem nýtist í starfi
- Reynsla af starfi á leikskólastigi eða starfi með börnum
- Ánægja af því að starfa með börnum
- Frumkvæði, samskiptahæfni og sjálfstæði í vinnubrögðum
- Íslenskukunnátta á stigi B2 samkvæmt evrópska tungumálarammanum
• Á Ökrum er full vinnustytting sem er 4 klst. á viku. Hluta styttingar er safnað í vetrar-, páska- og jólafrí
• Leikskólinn er lokaður í dymbilviku vegna vinnustyttingar starfsfólks
• Leikskólinn lokar kl 16:00 á föstudögum en 16:30 aðra daga
• Skipulagsdagar eru fimm á skólaári og eru samræmdir í leik- og grunnskólum Garðabæjar
• Starfsmannafsláttur er af leikskólagjöldum
• Eftir þrjá mánuði í starfi getur starfsfólk fengið frítt árskort í sundlaugar bæjarins
• Eftir þrjá mánuði í starfi getur starfsfólk fengið frítt bókasafnskort í Bókasafn Garðabæjar ásamt fríu menningarkorti í Hönnunarsafn Íslands
• Eftir sex mánuði í starfi getur starfsfólk fengið heilsuræktarstyrk
*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.
