Gefandi starf í fallegu umhverfi á Flúðum – leikskólakennarar óskast

Leikskólinn Undraland óskar eftir leikskólakennurum í fullt starf

Ertu metnaðarfull(ur) og brennur fyrir leikskólastarfi? Viltu vera hluti af skóla sem leggur áherslu á umhverfi, útinám og umhyggju?

Við leitum að leikskólakennurum sem vilja taka þátt í skapandi og uppbyggilegu starfi með börnum þar sem rækt er lögð við útinám og umhverfismennt og áhersla á virðingu fyrir börnum og að komið sé til móts við ólíkar þarfir þeirra.

Við í Undralandi leggjum mikla áherslu á virðingu fyrir börnum og að koma til móts við ólíkar þarfir þeirra. Hver einstaklingur skiptir máli, við vinnum með jákvæða nálgun þar sem umhyggja, stuðningur, hlýja og styrkleikar hvers barns eru í forgrunni. Þetta skólaár er unnið að innleiðingu á agastefnunni „jákvæðum aga“.

Í Undralandi eru rúmlega 50 börn á þremur deildum, yngsta deildin er nýflutt í sér húsnæði. Undraland er ört stækkandi skóli í einstöku umhverfi.

Við bjóðum:

• Lifandi og skapandi vinnuumhverfi
• Teymisvinnu og faglegt nám
• Áherslu á útinám og umhverfismennt
• Tækifæri til að hafa áhrif á þróun skólastarfsins
• Stuðning í starfi

Skóladagatal er samræmt skóladagatali Flúðaskóla sem vakið hefur athygli.
Fáist ekki fagmenntaðir einstaklingar til starfa verða leiðbeinendur ráðnir tímabundið.
Vakin er athygli á að stuðningur til náms í uppeldis og/eða kennslufræðum er í boði.