Í Hrunamannahreppi er fjölbreytt og gott mannlíf þar sem tækifærin eru fjölmörg fyrir áhugasama og duglega einstaklinga. Í sveitarfélaginu búa um 980 manns og þar af um helmingur á Flúðum. Á Flúðum er fjölbreytt og góð þjónusta. Þar er grunn-, leik- og tónlistarskóli, íþróttahús, bókasafn, sundlaug, ný glæsileg líkamsrækt, verslanir, veitingastaðir og fjölbreytt afþreying. Heilsugæsla Uppsveitanna er starfrækt á Flúðum sem og sjúkraþjálfari. Samgöngur í allar áttir eru góðar, helstu náttúruperlur landsins eru innan seilingar og svo segja margir að veðrið sé alltaf aðeins betra í Hrunamannahreppi – það er góður kostur ! Frekari upplýsingar um sveitarfélagið má finna á www.fludir.is