Leitað eftir deildarstjóra, leikskólakennurum og/eða leiðbeinendum

Hæ hæ!

Eruð þið ekki til í að slást í hóp faglegra og öflugra deildarstjóra við leikskólann Óskaland. Já fleiri, við þurfum líka öfluga og faglega kennara og leiðbeinendur við leikskólann til að móta framtíðina í gróskumiklum leikskóla?

Leikskólinn Óskaland er níu deilda leikskóli með pláss fyrir 152 börn. Óskaland er staðsett við Finnmörk 1, í Hveragerði í grónu hverfi þar sem stutt er í fjölbreytta skógi vaxna náttúru. 2025 voru fjórar nýjar deildir teknar í notkun við leikskólann auk glæsilegrar lóðar.

Einkunnarorð Óskalands eru: Leikur – lífsgleði – lærdómur

Í Óskalandi er sjálfsprottinn leikur aðal kennslutækið auk þess sem unnið með grenndar- og útikennslu, Vináttuverkefni Barnaheilla, Hugarfrelsi og Lubba.

Leitað er að metnaðarfullum, skapandi og jákvæðum deildarstjórum, leikskólakennurum og/eða leiðbeinendum með góða hæfni í mannlegum samskiptum. Um er að ræða bæði stöðu til frambúðar og afleysingu í fæðingarorlofi með möguleika á áframhaldandi starfi. Viðkomandi þurfa að vera tilbúnir til að taka þátt í uppeldi og menntun barna í nánu samstarfi við stjórnendur og hafa gott vald á íslenskri tungu. Umsækjendur skulu hafa hreint sakavottorð.

Fríðindi í starfi:

· Forgangur í leikskólapláss

· Frítt fæði

· Stytting vinnuvikunnar

· Sundkort í sundlaugina í Laugaskarði

Umsóknarfrestur er til 23.maí nk.

Umsóknum skal skilað á netfangið [email protected] ásamt ferilskrá.

Nánari upplýsingar veita Gunnvör Kolbeinsdóttir skólastjóri og Eva Hrönn Jónsdóttir aðstoðarskólastjóri í síma 4834139 eða á netfangið: [email protected]

Starfið hentar öllum kynjum. Laun eru greidd samkvæmt kjarasamningi viðkomandi stéttarfélags.