Laus störf Hæfnileit Vinnustaðir Námskeið

Barnaskólinn á Eyrarbakka og Stokkseyri

Við skólann eru tvær starfsstöðvar þar sem nemendur yngra stigs eru á Stokkseyri og nemendur eldra stigs á Eyrarbakka. Við skólann eru um 140 nemendur. Sérstaða skólans felst í einstaklingsmiðaðri kennslu og skapandi greinar fá mikið vægi í skólastarfinu. Mikil áhersla er lögð á góð samskipti og góða samvinnu við nærumhverfið. BES er í þróunarvinnu sem miðar að því að verða teymiskennsluskóli þar sem kennarar vinna í teymum með samkennslu tveggja til þriggja árganga. BES er Erasmus+ skóli, starfar eftir gildum Olweusar reglunnar og er heilsueflandi grunnskóli. Þá er BES virkur þátttakandi í Lærdómssamfélagi Árborgar og í öflugu samstarfi við aðra grunnskóla í Árborg.

Vinnustaðurinn

Skólastjóri Barnaskólans á Eyrarbakka og Stokkseyri

Fjölskyldusvið sveitarfélagsins Árborgar auglýsir lausa til umsóknar stöðu skólastjóra Barnaskólans á Eyrarbakka og Stokkseyri. Við leitum að öflugum og framsæknum leiðtoga til að stýra skólastofnun í ört stækkandi sveitarfélagi.

Ráðið verður í stöðuna frá 1. ágúst 2026 eða eftir nánara samkomulagi, starfshlutfall er 100%.

Um skólann

Við skólann eru tvær starfsstöðvar þar sem nemendur yngra stigs eru á Stokkseyri og nemendur eldra stigs á Eyrarbakka. Í skólanum eru um 140 nemendur og rúmlega 40 starfsmenn. Skólinn leitast við að vera teymiskennslu og teymisvinnuskóli, auk þess að vera í þróunarvinnu sem miðar að því að innleiða Jákvæðan aga í skólastarfið. Leitað er að stjórnanda sem hefur sýn á nútímalegt skólastarf og getur stuðlað að virku og traustu skólasamfélagi.

Í Sveitarfélaginu Árborg búa um 13.000 íbúar og starfa um 1100 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Veita skólanum faglega forystu.
Stjórnun og ábyrgð á daglegum rekstri skólans.
Leiða stjórnunarteymi skólans og bera ábyrgð á sýn og stefnu skólans í samvinnu við starfsfólk og nemendur.
Styðja starfsfólk, ýta undir góðan starfsanda og efla faglegt lærdómssamfélag.
Standa vörð um farsæld, velferð og nám nemenda.
Tryggja að skólinn starfi samkvæmt viðeigandi lögum og reglugerðum, aðalnámskrá grunnskóla, læsis- og menntastefnu Sveitarfélagsins Árborgar.
Tryggja virkt og farsælt samstarf við foreldra, skólaþjónustu og ytri hagaðila sem deila ábyrgð á velferð barna.
Vinna að þróun og uppbyggingu skólastarfs í Árborg í samstarfi við fjölskyldusvið og aðra aðila skólasamfélagsins.

Menntunar- og hæfniskröfur

Stjórnunar- og leiðtogahæfni, metnaður og áhugi á skólaþróun er skilyrði.
Leyfisbréf kennara og kennslureynsla á grunnskólastigi er skilyrði.
Framhaldsnám og reynsla af stjórnun í grunnskóla er æskileg.
Farsæl stjórnunarreynsla.
Þekking á rekstri, áætlanagerð, mannauðsmálum og fjármálastjórn.
Framsækni í þróunar- og umbótastarfi.
Frumkvæði, sjálfstæði og lausnamiðuð hugsun.
Áhersla er lögð á að viðkomandi búi yfir lipurð í samstarfi og mannlegum samskiptum.
Góð íslenskukunnátta í ræðu og riti.

Umsóknarfrestur er til og með 20. maí 2026.

Umsóknum fylgi ítarleg náms- og starfsferilsskrá, kynningarbréf þar sem gerð er grein fyrir ástæðu umsóknar og framtíðarsýn í skólamálum, auk staðfestra upplýsinga um menntun og starfsreynslu. Umsóknum er skilað á Alfred.is Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og KÍ. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Nánari upplýsingar veita Heiða Ösp Kristjánsdóttir, sviðsstjóri fjölskyldusviðs, [email protected] og Anna Valgerður Sigurðardóttir, mannauðsráðgjafi, [email protected] eða í síma 480-1900.

Auglýsing birt5. maí 2026

Umsóknarfrestur20. maí 2026

Tungumálahæfni