Lækning - Starf í móttöku og símsvörun

Hefur þú gaman af mannlegum samskiptum? Ef svo er þá leitum við að starfsmanni í hlutastarf í okkar frábæra starfsmannahóp.

Starfið felst í símsvörun og almennum móttökuritarastörfum ásamt ýmsum tilfallandi verkefnum.

Hæfniskröfur:

• Mikil hæfni í mannlegum samskiptum
• Góðir skipulagshæfileikar
• Jákvætt viðmót
• Geta til að vinna undir álagi
• Góð almenn tölvukunnátta
• Góð kunnátta í íslensku og ensku

Um framtíðarstarf er að ræða og vinnutími er breytilegur á milli kl. 8 og 16 virka daga. Viðkomandi þarf að geta unnið allan daginn í sumar vegna afleysinga í orlofi.

Í boði er líflegur vinnustaður með góðum starfsanda og gott vinnumhverfi. Viðkomandi þarf að geta hafið störf sem fyrst.

Nánari upplýsingar um starfið veitir Hildur Eyjólfsdóttir, skrifstofustjóri, í síma 590-9200 og á [email protected].

Hjá Lækningu er að finna sérfræðinga í hinum ýmsu sviðum heilbrigðisþjónustunnar. Í Lækningu eru nútímalegar og vel útbúnar móttökustofur sérfræðilækna og fullkomnar skurðstofur.