Kerfisstjóri í öryggis- og eftirlitsþjónustu
Laus er staða kerfisstjóra í öryggis- og eftirlitsþjónustu Advania. Ef þú hefur mikinn áhuga á tækni, ert með góða þjónustulund og tilbúin/n til að vinna á vöktum þá erum við að leita að þér!
Kerfisstjóri í öryggis- og eftirlitsþjónustu starfar í öflugu teymi tæknimanna sem bera ábyrgð á vöktun og viðbragði lykilkerfa Advania og viðskiptavina allan sólahringinn samkvæmt vaktaplani.
Starfið felur einnig í sér almenna þjónustu við úrlausn tæknilegra vandamála sem kunna að koma upp hjá okkar viðskiptavinum.
Við leitum eftir starfsmanni sem er almennt tæknilega sinnaður og fljótur að tileinka sér nýja hluti. Æskilegt er að viðkomandi hafi góða þekkingu á upplýsingatækni og er mikill kostur ef hann er með vottaða þekkingu á sviði Microsoft þjóna og/eða útstöðva.
Hæfniskröfur
- Góð þekking á upplýsingatækni æskileg
- Þjónustulund og góð samskiptafærni
- Góð yfirsýn og geta til að vinna undir álagi
- Öguð vinnubrögð og geta til að vinna sjálfstætt
- Góð íslensku- og enskukunnátta í töluðu og rituðu máli
- Vottuð þekking á sviði Microsoft og/eða Linux þjónum ásamt netkerfum mikill kostur
Ef þú hefur áhuga á starfinu en uppfyllir ekki allar kröfur þá hvetjum við þig samt sem áður til þess að sækja um, þú gætir einmitt verið einstaklingurinn sem við leitum að í þetta eða annað starf.
Íslenska
Enska
