Leikskólinn Jörfi v/Hæðargarð

Leikskólinn Jörfi er fimm deilda leikskóli v/Hæðargarð 27a þar sem lögð er áhersla á lífsleikni.

Kennarar

Kennarar óskast til starfa í leikskólann Jörfa frá 1. mars 2025.

Við leitum að kennurum og er mikilvægt að þeir séu með opið hugarfar og hafi áhuga eða reynslu að því að vinna eftir hugmyndafræði Reggio Emilia og Barnasáttmála sameinuðu þjóðanna.

Helstu verkefni og ábyrgð

Að vinna að uppeldi og menntun leikskólabarna samkvæmt starfslýsingu kennara
Taka þátt í skipulagningu faglegs starfs í samstarfi við deildarstjóra
Sinna daglegum verkefnum deildarinnar í samstarfi við aðra starfsmenn og deildarstjóra
Hafa samskipti og samvinnu við foreldra í samstarfi við deildarstjóra
Sinna öðrum verkefnum sem deildarstjóri og leikskólastjóri felur starfsmanni

Menntunar- og hæfniskröfur

Leikskólakennara- eða aðra Uppeldismenntun
Reynsla af uppeldis- og kennslustörfum með ungum börnum æskileg
Frumkvæði í starfi og faglegur metnaður. Lipurð og sveigjanleiki í samskiptum.
Sjálfstæð og skipulögð vinnubrögð
Íslenskukunnátta B2 skv. samevrópska tungumálarammanum

Fríðindi í starfi

Menningarkort
Bókasafnskort
Sundkort
36 stunda vinnuvika fyrir 100% starf
Heilsuræktarstyrkur
Samgöngusamningur þegar við á

Vorið 2025 stækkum við Jörfa og við erum að opna tvær glænýjar ungbarnadeildir. Leikskólinn Jörfi verður þá 7 deilda leikskóli. Leikskólanum er skipt upp í eldri deildir á aldrinum 3-5 ára - Jörfi við Hæðargarð 27a og ungbarnadeildir á aldrinum1- 3 ára - Litli Jörfi við Bústaðaveg 8.

Leikskólinn Jörfi er í innleiðingarferli á nýrri skólastefnu í anda Reggio Emilia. Ein af megináherslunum stefnunnar er á að virða sjónarhorn barna, hvetja þau til sköpunar og efla rannsóknargleði í gegnum leik og samskipti.

Aðbúnaður og staðsetning leikskólans er mjög góð með ýmsum möguleikum til útivistar. Í göngufæri eru, Grundagerðisgarður, Úlfaskógur, Hákonarlundur, Elliðaárdalur, Fossvogsdalur og Laugardalur ásamt mörgum öðrum grænum svæðum og görðum.

Einkunnarorð skólans eru: Gleði - Sköpun - Virðing.

Við hvetjum alla áhugasama til að kíkja á heimasíðuna og Instagram síðu Jörfa.

Auglýsing birt9. janúar 2025

Umsóknarfrestur30. janúar 2025

Tungumálahæfni