Laus störf Hæfnileit Vinnustaðir Námskeið

Ráðgjafar- og greiningarstöð

Ráðgjafar- og greiningarstöð er miðlæg þjónustu- og þekkingarmiðstöð sem starfar á þverfaglegum grunni og sinnir börnum að 18 ára aldri hvar sem þau búa á landinu. Hlutverk hennar er m.a. að annast greiningu og ráðgjöf vegna barna með víðtækar þroskaraskerðingar, sinna fræðilegum rannsóknum á þessu sviði og veita börnum með venjuflóknar eða sjaldgæfar fatlanir langtímaeftirfylgd. Öflun og miðlun þekkingar og þroskaskerðingar og fræðsla um helstu íhlutunarleiðir er enn fremur meðal hlutverka stofnunarinnar.

Vinnustaðurinn

Iðjuþjálfi

Hefur þú brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks Ráðgjafar- og greiningarstöðvar? Auglýst er laust til umsóknar starf iðjuþjálfa á sviði Langtímaeftirfylgdar. Langtímaeftirfylgd sinnir fötluðum börnum og unglingum sem ætla má að þurfi sérhæfða þjónustu til lengri tíma. Þjónusta sviðsins er þverfagleg og tekur mið af þörfum barna og fjölskyldna þeirra. Byggt er á ráðgjafar- og teymisvinnu með áherslu á fjölskyldumiðaða þjónustu.

Menntunar- og hæfniskröfur

Íslenskt starfsleyfi sem iðjuþjálfi

Góð samskipta- og samstarfshæfni og færni til að starfa í teymi

Færni til að tjá sig í ræðu og riti á íslensku

Skipulagshæfni, frumkvæði og sjálfstæði í vinnubrögðum

Þekking og áhugi á tölvu- og tæknitengdum lausnum er æskileg

Helstu verkefni og ábyrgð

Mat á hreyfifærni og hreyfiþroska barna

Ráðgjöf, fræðsla og eftirfylgd fyrir börn og unglinga með alvarleg þroskafrávik í samvinnu við fjölskyldur og fagaðila, m.a. um hreyfifærni, hjálpartæki og aðgengismál

Þátttaka í fræðslu- og rannsóknarstarfi

Laun greiðast samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Umsókn um starfið skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu. Sótt er um starfið á starfatorg.is. Miðað er við að viðkomandi geti hafið störf sem fyrst eða eftir nánara samkomulagi. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði frá birtingu auglýsingar þessarar.

Á Ráðgjafar- og greiningarstöð starfa um 60 starfsmenn. Hlutverk stofnunarinnar er að tryggja að börn með alvarlegar þroskaskerðingar sem leitt geta til fötlunar síðar á ævinni fái greiningu, ráðgjöf og önnur úrræði sem bæta lífsgæði þeirra. Sjá nánar www.rgr.is. Ráðgjafar- og greiningastöð er framsækin stofnun með fjölskylduvæna starfsmannastefnu sem býður m.a. upp á sveigjanlegan vinnutíma. Gildi stofnunarinnar eru fagmennska, framsækni, velferð og virðing.

Nýir starfsmenn fá handleiðslu og starfsþjálfun á aðlögunartíma og er lögð áhersla á þróun í starfi og tækifæri til sí- og endurmenntunar.

Starfshlutfall er 80-100%.

Umsóknarfrestur er til og með 28. nóvember 2022.

Upplýsingar um starfið veita:

Ingólfur Einarsson sviðsstjóri á sviði Langtímaeftirfylgdar í síma 510 8400 eða á netfang: [email protected] og Marrit Meintema verkefnastjóri á sviði Langtímaeftirfylgdar í síma 510 8400 eða á netfang: [email protected].

Auglýsing birt17. nóvember 2022

Umsóknarfrestur28. nóvember 2022

Tungumálahæfni

Engar sérstakar tungumálakröfur

Staðsetning

Dalshraun 1, 220 Hafnarfjörður

Starfstegund

Starfsgreinar

Starfsmerkingar

Fleiri störf (1)

Sálfræðingar

Ráðgjafar- og greiningarstöð