Hönnun og smíði í Árbæjarskóla haustið 2025

Laust er til umsóknar starf kennara í hönnun og smíði við Árbæjarskóla frá og með haustönn 2025. Leitað er að kennara með menntun til kennslu í hönnun og smíði og þekkingu til að efla skapandi listir í skólanum ásamt teymi list- og verkgreinakennara skólans.

Árbæjarskóli er heildstæður grunnskóli staðsettur í einstöku umhverfi Elliðaárdalsins. Nemendur eru rúmlega 750 talsins og er skólinn safnskóli á unglingastigi. Starfsmenn skólans eru um 108 og er starfsandi mjög góður. Boðið er upp á fjölbreytt og skapandi nám sem stuðlar að alhliða þroska nemenda með það að markmiði að nemendur verði sjálfstæðir og skapandi einstaklingar í síbreytilegu samfélagi. Skólinn leggur ríka áherslu á vandaða móttöku allra nemenda. Við skólann starfar gott foreldrafélag og samvinna við foreldra og grenndarsamfélag er gott. Leitað er að metnaðarfullum einstaklingi sem býr yfir frumkvæði og vill vinna í góðu og jákvæðu umhverfi.