Laus störf Hæfnileit Vinnustaðir Námskeið

Heilsugæslan Salahverfi

Heilsugæslunni í Salahverfi er fyrst og fremst ætlað að leggja áherslu á kjarnaverkefni heilsugæslunnar í þjónustu sinni, þ.e. almenna læknis- og hjúkrunarþjónustu, meðgönguvernd, ungbarnavernd og skólaheilsugæslu. Heimahjúkrun á þjónustu heilsugæslustöðvarinnar er þjónað miðlægt af Heilsugæslunni í Kópavogi. Aðal þjónustusvæði Heilsugæslunnar í Salahverfi er Linda-, Sala-, Kóra- og Vatnsendahverfi í Kópavogi. Markmið Heilsugæslunnar í Salahverfi er að veita skjólstæðingum sínum góða þjónustu. Góð heilsugæsla einkennist af góðu aðgengi og samfelldri þjónustu sem veitt er á viðeigandi hátt. Starfsfólk Heilsugæslunnar í Salahverfi leggur þess vegna mikla áherslu á gott aðgengi að þjónustunni, sem síðan mun leiða af sér hin meginatriði góðrar heilsugæslu, þ.e. möguleikum á samfelldri þjónustu veittri á viðeigandi hátt.

Vinnustaðurinn

Hjúkrunarfræðingur Heilsugæslan Salahverfi

Heilsugæslan Salahverfi auglýsir eftir hjúkrunarfræðingi í 80-100% starf. Æskilegt er að viðkomandi geti hafið störf sem fyrst eða eftir nánara samkomulagi. Heilsugæslan er einkarekin stöð þar sem ríkir góður starfsandi og góð samvinna milli starfsstétta.

Helstu verkefni og ábyrgð

Heilsuvernd skólabarna, ung- og smábarnavernd, almenn hjúkrunarmóttaka.

Skólahjúkrunarfræðingur sinnir heilsuvernd nemenda, fræðslu og viðtölum. Auk þess sinnir hann öðrum viðfangsefnum sem upp kunna að koma, í samstarfi við starfsfólk skólans.

Starfssvið hjúkrunarmóttöku er fjölbreytt og nær m.a. yfir bráðaþjónustu, sárameðferð, ferðamannaheilsuvernd, símaráðgjöf, lyfjagjafir ásamt ýmsum rannsóknum.

Hjúkrunarfræðingur í ung- og smábarnavernd vinnur að því að efla heilsu, vellíðan og þroska barna með reglulegum heilsufarsskoðunum ásamt því að veita fjölskyldum þeirra stuðning og fræðslu.

Menntunar- og hæfniskröfur

· Íslenskt hjúkrunarleyfi

· Reynsla af heilsugæsluhjúkrun er æskileg

· Sjálfstæði í starfi og frumkvæði

· Skipulagshæfni og öguð vinnubrögð

· Góð samskiptahæfni og sveigjanleiki

· Íslenskukunnátta

· Góð almenn tölvukunnátta

Umsókn skal fylgja ítarleg náms-og starfsferilskrá. Jafnframt skal leggja fram upplýsingar um menntun og staðfest afrit af opinberu starfsleyfi.

Öllum fyrirspurnum verður svarað.

Gögn sendist á netföngin: [email protected] og [email protected]

Nánari upplýsingar veitir: