Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur á bráðalegudeild geð- og fíknisjúkdóma

Við óskum eftir að ráða hjúkrunarfræðing á bráðalegudeild geð- og fíknisjúkdóma 32A í 20-100% vaktavinnu. Vinnufyrirkomulag getur verið sveigjanlegt.

Markhópur deildarinnar eru einstaklingar með tvíþættan vanda; alvarlega geðsjúkdóma og alvarlegan vímuefnavanda.Bráðalegudeild geð- og fíknisjúkdóma heyrir undir meðferðareiningu geð- og fíknisjúkdóma en undir eininguna heyra einnig dagdeild (Teigur), göngudeild, vettvangsgeðteymi (Laufey) og afeitrunardeild ólögráða ungmenna.

Um er að ræða spennandi og gefandi starf þar sem unnið er í þverfaglegum teymum. Áherslur í starfinu eru meðal annars skaðaminnkun, batamiðuð hugmyndafræði, áhugahvetjandi samtal og geðlæknisfræði.

Góður starfsandi er á deildinni og sinna hjúkrunarfræðingar lykilhlutverki í starfseminni. Starfsemin er í stöðugri framþróun og unnið er að fjölbreyttum umbótaverkefnum.

Á deildinni eru mikil tækifæri til vaxtar og sérhæfingar. Starfsaðlögun er markviss og einstaklingshæfð. Bæði er leitað að reynslumiklum hjúkrunarfræðingum sem og hjúkrunarfræðingum sem eru að stíga sín fyrstu skref í geðhjúkrun.

Á geðþjónustu Landspítala er möguleiki að sækja um sérhæft starfsþróunarár fyrir hjúkrunarfræðinga til að efla faglega framþróun og öryggi í starfi. Jafnframt er Landspítali með miðlægt starfsþróunarár.

Unnið er á þrískiptum vöktum og er vaktabyrði hófleg. Ráðning er frá 15. febrúar 2026 eða eftir samkomulagi.

Menntunar- og hæfniskröfur

Íslenskt hjúkrunarleyfi

Reynsla af geðhjúkrun er kostur

Faglegur metnaður og einlægur áhugi á geðhjúkrun og skaðaminnkun

Góð samskiptahæfni

Hæfni til að vinna sjálfstætt

Jákvætt hugarfar, metnaður og áhugi á að starfa í þverfaglegu teymi

Stundvísi og áreiðanleiki

Færni til að skipuleggja og forgangsraða verkefnum

Góð almenn tölvukunnátta

Góð færni í íslensku og ensku, bæði í töluðu og rituðu máli

Helstu verkefni og ábyrgð

Að taka þátt í að ákveða, skipuleggja og veita viðeigandi hjúkrunarmeðferðir

Virk þátttaka í þverfaglegum teymum

Samskipti, hvatning og víðtækur stuðningur við skjólstæðinga og aðstandendur þeirra

Þátttaka í umbótastarfi og þróun þjónustunnar

Starfshlutfall: 20-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, teymisvinna

Tungumálahæfni: íslenska 4/5, enska 3/5

Staðsetning: Hringbraut, 101 Reykjavík

Nánari upplýsingar

Birna Óskarsdóttir

Tölvupóstur: [email protected]

Edda Þórisdóttir

Tölvupóstur: [email protected]

Auglýsing birt22. janúar 2026

Umsóknarfrestur2. febrúar 2026

Tungumálahæfni