Grímsnes- og Grafningshreppur
Sveitarfélagið Grímsnes- og Grafningshreppur er í miðri Árnessýslu, 890 km2 að stærð.
Það varð til 1. júní 1998 við sameiningu tveggja hreppa Grímsneshrepps og Grafningshrepps. Þéttbýliskjarninn sveitarfélagsins er Borg og íbúar eru um 500. Mjög góð búsetuskilyrði eru í sveitarfélaginu og er sveitarfélagið afar vinsælt svæði fyrir frístundahús. Framtíðarsýn sveitarfélagsins er að Grímsnes- og Grafningshreppur verði eftirsóknarvert svæði til búsetu, atvinnu, frístundaiðju og útivistar. Þar verði góð skilyrði fyrir atvinnustarfsemi og þjónustu og að fjölbreytni búsetukosta í sveit og þéttbýli verði styrkur svæðisins. Margir fallegir staðir eru í sveitarfélaginu og má þar nefna Hengilsvæðið, Sogið, Kerið, Úlfljótsvatn og Þrastaskóg.
Heilsu- og tómstundafulltrúi óskast
Grímsnes- og Grafningshreppur óskar eftir að ráða heilsu- og tómstundafulltrúa í 100% starf.
Leitað er eftir öflugum og jákvæðum einstaklingi sem er tilbúinn að takast á við fjölbreytt og krefjandi starf í samfélagi í miklum vexti.
Heilsu- og tómstundafulltrúi ber ábyrgð á tómstundamálum sveitarfélagsins og hefur forystu um verkefnið Heilsueflandi samfélag á vegum sveitarfélagsins. Hann annast einnig stefnumörkun, þekkingaröflun, þekkingarmiðlun og þróunarstarf í heilsu- og tómstundatengdum verkefnum.
Helstu verkefni og ábyrgð
- Þróun, skipulag, stefnumótun og samræming heilsu- og tómstundamála sveitarfélagsins.
- Starfsmaður Ungmennaráðs Grímsnes- og Grafningshrepps, frístundaklúbbs og félagsmiðstöðvarinnar Zetor.
- Verkefnastjórn vegna heilsueflandi samfélags.
- Umsjón með starfi eldri borgara og samráðshópi um málefni eldri borgara.
- Samskipti, samráð og upplýsingagjöf er varða starf við börn, ungmenni og foreldra.
- Hefur umsjónmeð og samræmir forvarnarstarf, einkum er snýr að börnum og ungmennum.
- Hefur frumkvæði að samskiptum og aðgerðum til að efla tómstundamál og heilsueflandi verkefni í Grímsnes- og Grafningshreppi.
Menntunar- og hæfniskröfur
- Framúrskarandi samskiptahæfni.
- Góðir leiðtogahæfileikar.
- Háskólamenntun sem nýtist í starfi.
- Reynsla af tómstundastarfi.
- Reynsla af starfi með börnum og/eða unglingum.
- Frumkvæði og metnaður til að ná árangri.
- Stundvísi og reglusemi.
- Sjálfstæð vinnubrögð.
- Góð íslenskukunnátta.
- Reynsla og þekking á stjórnsýslu sveitarfélaga kostur.
- Hreint sakavottorð.
Fríðindi í starfi
Laun eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.
Auglýsing birt10. september 2024
Umsóknarfrestur23. september 2024
Tungumálahæfni
ÍslenskaFramúrskarandi
Staðsetning
Stjórnsýsluhúsið Borg, 805 Selfoss
Starfstegund
Starfsgreinar
Starfsmerkingar
Sambærileg störf (6)
Verkefnastjóri í félagsmiðstöðina Setrið– Setbergsskóli
Hafnarfjarðarbær
Forstöðumaður frístundar
Borgarbyggð
Atvinnuráðgjafi í Hinu Húsinu
Hitt húsið
Tómstundafulltrúi
Sveitarfélagið Strandabyggð
Lýðheilsufulltrúi Dalabyggðar - 100% staða - nýtt starf
Sveitarfélagið Dalabyggð
Verkefnastjóri í eldhúsi
Klúbburinn Geysir