Klúbburinn Geysir er sjálfseignastofnun sem vinnur í þágu þeirra sem eiga eða hafa átt við geðheilsubrest. Við bjóðum félögum okkar að vinna uppbyggilegt starf, á jafningjagrundvelli með það að markmiði að auka samfélagslega þátttöku og efla lífsgæði, með því að vera öruggur samastaður, bjóða upp á fjölbreytt verkefni, efla sjálfstraust, veita stuðning í námi og atvinnuleit ásamt því að veita tímabundin atvinnutækifæri. Í störfum innan Klúbbsins Geysis er lögð áhersla stuðning og virðingu gagnvart félögum.