Sjúkrahúsið á Akureyri

Sjúkrahúsið á Akureyri er lifandi og metnaðarfullur vinnustaður þar sem um 800 manns starfa saman í þverfaglegum teymum og samstarfi ólíkra fagstétta. Sjúkrahúsið gegnir lykilhlutverki í bráðaþjónustu og sérhæfðum meðferðum og er miðstöð læknisfræðilegrar þjónustu sjúkraflugs á Íslandi. Við veitum framúrskarandi heilbrigðisþjónustu með áherslu á fagmennsku, umhyggju og samvinnu. Hér eru dýrmæt tækifæri til að vinna í sérhæfðu og fjölbreyttu starfsumhverfi og þróa faglega hæfni þar sem áhersla er lögð á lærdóm, fagmennsku og mannlega nálgun. Komdu í lið með okkur og taktu þátt í að gera Sjúkrahúsið á Akureyri enn betra! Við tökum vel á móti nýju starfsfólki.

Vinnustaðurinn

Heilbrigðisgagnafræðingur við Sjúkrahúsið á Akureyri

Langar þig að prófa eitthvað nýtt og takast á við spennandi áskoranir í fjölbreyttu starfsumhverfi?

Sjúkrahúsið á Akureyri auglýsir eftir heilbrigðigagnafræðingi í 85-100% stöðu og er staðan laus nú þegar eða eftir nánara samkomulagi. Vinnuvika starfsfólks í fullri dagvinnu er nú 36 stundir vegna styttingu vinnuvikunnar.

Við tökum vel á móti nýju starfsfólki og veitum góða einstaklingshæfða aðlögun.

Næsti yfirmaður er Guðrún Jóhannesdóttir deildarstjóri.

Helstu verkefni og ábyrgð

Meðhöndlun og skráning hvers konar læknisfræðilegra skýrslna og heilbrigðisgagna í samræmi við gildandi lög, reglur, kröfur og gæðaviðmið
Dagleg vinnsla sjúkraskrárupplýsinga í samræmi við gildandi lög, reglur, kröfur og gæðaviðmið
Gagnavinnsla, umsýsla og varðveisla sjúkraskráa og annarra skjala
Tímabókanir og milliganga sjúklinga og annars heilbrigðisstarfsfólks í sambandi við meðferð sjúklinga
Virk þátttaka í stefnumótun rafrænna sjúkraskráa
Kennsla og þjálfun annarra heilbrigðisstétta í notkun rafrænna sjúkraskrárkerfa
Önnur verkefni í samráði við yfirmann

Menntunar- og hæfniskröfur

Ef heilbrigðisgagnafræðingur, þá er gilt íslenskt starfsleyfi skilyrði
Einnig kemur til greina að ráða nema í heilbrigðisgagnafræði sem lokið hafa öllu nema starfsárinu, eða nema í heilbrigðisfræðum eða aðra með haldgóða menntun og/eða reynslu
Góð íslensku- og enskukunnátta
Góð tölvukunnátta
Lögð er áhersla á faglegan metnað, frumkvæði og sjálfstæð vinnubrögð
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Kjölur hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.

Auglýsing birt7. febrúar 2025

Umsóknarfrestur19. febrúar 2025

Tungumálahæfni