Sjúkrahúsið á Akureyri

Sjúkrahúsið á Akureyri er lifandi og metnaðarfullur vinnustaður þar sem um 800 manns starfa saman í þverfaglegum teymum og samstarfi ólíkra fagstétta. Sjúkrahúsið gegnir lykilhlutverki í bráðaþjónustu og sérhæfðum meðferðum og er miðstöð læknisfræðilegrar þjónustu sjúkraflugs á Íslandi. Við veitum framúrskarandi heilbrigðisþjónustu með áherslu á fagmennsku, umhyggju og samvinnu. Hér eru dýrmæt tækifæri til að vinna í sérhæfðu og fjölbreyttu starfsumhverfi og þróa faglega hæfni þar sem áhersla er lögð á lærdóm, fagmennsku og mannlega nálgun. Komdu í lið með okkur og taktu þátt í að gera Sjúkrahúsið á Akureyri enn betra! Við tökum vel á móti nýju starfsfólki.

Vinnustaðurinn

Skjalastjóri á skrifstofu forstjóra

Sjúkrahúsið á Akureyri auglýsir laust til umsóknar starf skjalastjóra í 70-80% starf. Leitað er eftir metnaðarfullum og drífandi einstaklingi með þekkingu og reynslu af skjalastjórnun. Um er að ræða spennandi starf sem gefur metnaðarfullum sérfræðingi á sviði skjala- og upplýsingamála einstakt tækifæri til innleiðingar á verklagi við skráningu, vistun og meðhöndlun upplýsinga þar sem lögð er áhersla á stafræna þróun. Staðan er laus nú þegar eða eftir nánara samkomulagi. Við tökum vel á móti nýju starfsfólki og veitum góða einstaklingshæfða aðlögun.

Helstu verkefni og ábyrgð

Yfirumsjón með skjalastjórn og skjalavistun innan sjúkrahússins í samræmi við lög um opinber skjalasöfn nr. 77/2014
Stefnumótun í skjalastjórn og skjalavistun og gerð handbókar og leiðbeininga um skjalavistun
Gerð og uppfærsla skjalavistunaráætlunar
Skipuleggja fræðslu og annast kynningar um skjalastjórn og skjalavistun
Innleiðing og umsjón með málakerfi (Workpoint) og eftirlit með skráningu skjala, lýsigögn og frágangi
Skipulag aðgangsstýringahópa, eftirlit og aðstoð við notendur skjalakerfis
Stýring á verklagi og vistun skjala í samvinnu við upplýsingatæknideild
Umsjón með grisjun skjala (pappírs og rafrænna), skráningu í geymsluskrár og pökkun skjala
Umsjón með afhendingu skjala til Héraðsskjalasafnsins á Akureyri/Þjóðskjalasafns Íslands
Samskipti og samstarf með rekstraraðilum kerfa, Þjóðskjalasafns Íslands, Héraðsskjalasafns Akureyrar og aðrar heilbrigðisstofnanir

Menntunar- og hæfniskröfur

Háskólamenntun í upplýsingafræði eða önnur háskólamenntun á sviði skjalastjórnunar sem nýtist í starfi er skilyrði
Framhaldsmenntun á sviði skjalastjórnunar er kostur
Þekking og góð reynsla af verkefnastjórnun og teymisvinnu er kostur
Reynsla og þekking af sambærilegu starfi, auk reynslu og þekkingar á vinnslu í mála- og skjalavistunarkerfum er nauðsynleg
Góð almenn tölvufærni og hæfni til að tileinka sér nýjungar á því sviði
Mjög góð hæfni í íslensku og ensku í ræðu og riti er skilyrði
Hæfni í mannlegum samskiptum, skipulaghæfileikar og hæfni í að miðla þekkingu til annarra
Sjálfstæði, frumkvæði og fagleg vinnubrögð

Fríðindi í starfi

Heilsustyrkur
Velferðartorg - þjónusta og meðferð hjá ýmsum sérfræðingum
Fjölbreytt og gott mötuneyti
Vinnuvika 36 klst.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Vegna kynjasamsetningar á vinnustaðnum eru karlmenn hvattir til að sækja um.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.

Auglýsing birt7. febrúar 2025

Umsóknarfrestur24. febrúar 2025

Tungumálahæfni