Laus störf Hæfnileit Vinnustaðir Námskeið

Þjóðskrá

Hlutverk Þjóðskrár er að greiða götu fólks og fyrirtækja í samfélaginu og gæta upplýsinga um réttindi þeirra. Við sinnum því með því að safna, varðveita og miðla upplýsingum. Innan starfssviðs Þjóðskrár er rekstur þjóðskrár, útgáfa skilríkja m.a. vegabréf og nafnskírteini, útgáfa vottorða ásamt ábyrgð á kjörskrárstofnum.

Vinnustaðurinn

Fulltrúi í þjónustu

Þjóðskrá leitar að metnaðarfullum einstaklingum með ríka þjónustulund á sviði Þjónustu hjá stofnuninni. Viðkomandi munu starfa með sterku teymi þvert á stofnunina að fjölbreyttum verkefnum. Þjóðskrá leggur áherslu á góða þjónustu og nýtingu stafrænna lausna og mikilvægt er að umsækjendur samsami sig þeirri sýn. Verkefnin eru krefjandi og kalla á frumkvæði og lausnamiðaða hugsun sem viðkomandi taka þátt í að móta hjá stofnuninni.

Menntunar- og hæfniskröfur

Þekking sem nýtist í starfi.

Reynsla af skrifstofu-eða þjónustustarfi.

Mjög góð tölvukunnátta og tæknilega þenkjandi.

Mjög góð íslensku- og enskukunnátta.

Frumkvæði, þjónustulund og sjálfstæði í vinnubrögðum.

Lipurð í mannlegum samskiptum.

Nákvæm og vandvirk vinnubrögð.

Helstu verkefni og ábyrgð

Símsvörun, netspjall og svörun tölvupósts

Móttaka og afgreiðsla viðskiptavina í afgreiðslu.

Leiðbeina viðskiptavinum í sjálfsafgreiðslu í afgreiðslurými.

Skráningar í kerfum Þjóðskrár.

Framleiðsla vegabréfa og annarra skilríkja.

Innleiðing og mótun stafrænna lausna.

Þátttaka í umbótastarfi.

Um er að ræða fullt starf og laun samkvæmt kjarasamningum ríkisstarfsmanna. Umsóknarfrestur er til og með 4. júlí 2023.

Umsókn skal fylgja starfsferilskrá og kynningarbréf. Umsóknir óskast sendar í Alfreð ráðningakerfi. Athygli er vakin á að umsóknir geta gilt í 6 mánuði frá því umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin. Nánari upplýsingar veitir Soffía Felixdóttir deildarstjóri þjónustu - [email protected]

Hlutverk Þjóðskrár er að greiða götu fólks og fyrirtækja í samfélaginu og gæta upplýsinga um réttindi þeirra. Það gerum við með því að safna, varðveita og miðla upplýsingum um íbúa landsins.

Við leggjum ríka áherslu á jákvæð samskipti og góða samvinnu sem er undirstaða góðrar þjónustu. Við teljum eftirsóknarvert að fá til liðs við okkur þau sem vilja starfa í anda gilda okkar um gleði, kraft og samvinnu. Við kunnum vel að meta frumkvæði, nákvæmni og hraða í vinnubrögðum og nýtum aðferðir straumlínustjórnunar til að gera betur í dag en í gær. Við hvetjum öll kyn til að sækja um.

Auglýsing birt19. júní 2023

Umsóknarfrestur4. júlí 2023

Tungumálahæfni