Framtíðarvinnumarkaður og menntamál

Sérfræðingur á sviði framtíðarvinnumarkaðar

BSRB óskar eftir að ráða sérfræðing til starfa. Um er að ræða nýtt og spennandi starf þar sem meginverkefnið verður að vinna að stefnumótun BSRB í menntamálum til dæmis varðandi framtíðarvinnumarkaðinn og fjórðu iðnbyltinguna.

Starfið er tímabundið til 1. október 2021. Það heyrir undir framkvæmdastjóra BSRB og krefst samvinnu við aðra sérfræðinga á skrifstofu bandalagsins auk samskipta við aðildarfélög þess.

Sérfræðingurinn annast greiningar, safnar saman og tryggir gott aðgengi að upplýsingum um hvaða breytingar kunni að verða á störfum félagsmanna aðildarfélaga BSRB ásamt upplýsingum um fræðslustofnanir aðildarfélaganna og vinnumarkaðarins sem leggur grunn að stefnumótun BSRB þegar kemur að starfs- og símenntun, framhaldsfræðslu og framtíðarvinnumarkaðnum.