Þjóðleikhúsið

Framkvæmdastjóri fjármála og rekstrar

Þjóðleikhúsið óskar eftir að ráða framkvæmdastjóra fjármála og rekstrar.

Framkvæmdastjóri er leiðtogi fjármála og rekstrar, vinnur áætlanir og tryggir eftirfylgni þeirra. Starfið heyrir undir þjóðleikhússtjóra og á framkvæmdastjórinn sæti í stjórnendateymi leikhússins.

Helstu verkefni og ábyrgð

Ábyrgð á rekstri, fjármálastjórn, áætlanagerð og skilvirkri miðlun rekstrar- og fjárhagsupplýsinga.
Yfirumsjón með uppgjörum, innheimtu og ársreikningum.
Fjárstýring, frávikagreiningar.
Þróun og innleiðing fjárhagskerfa og mælaborða.
Umsjón með samningagerð, gæða- og öryggismálum.
Þátttaka í stefnumótun og þróun rekstrarumhverfis leikhússins.
Samskipti við opinbera aðila.
Umsjón með tölvukerfum og upplýsingatækni.

Menntunar- og hæfniskröfur

Háskólapróf á sviði viðskipta eða önnur sambærileg menntun sem nýtist í starfi. Framhaldsmenntun er kostur.
Farsæl reynsla af fjármálastjórn og rekstri.
Reynsla af áætlanagerð, uppgjörum, greiningarvinnu og framsetningu tölulegra gagna.
Reynsla af samningagerð.
Góð þekking á tölvukerfum og upplýsingatækni.
Leiðtogahæfni og góð færni í mannlegum samskiptum.
Metnaður, frumkvæði, skipulagshæfni og geta til að vinna undir álagi.
Góð kunnátta í íslensku og ensku í ræðu og riti.

Þjóðleikhúsið nýtur mikillar hylli meðal þjóðarinnar. Leikhúsið, sem fagnar 75 ára afmæli um þessar mundir, stendur á skapandi tímamótum og starfsfólk horfir fram á veginn. Til viðbótar við leikhússtarfsemina sem er í miklum blóma, voru ný lög samþykkt á Alþingi í sumar um að stofnuð yrði Ópera sem verður sjálfstæður hluti af starfsemi Þjóðleikhússins. Jafnframt tilkynnti ríkisstjórnin áform um að reisa nýja byggingu sem myndi hýsa nýtt sýninga- og sviðsrými við leikhúsið innan fimm ára. Þessi tvö nýju verkefni auk leiklistarstarfsemi sem er í blóma, kallar á þróun á skipulagi og því auglýsir leikhúsið tvær nýjar stöður lausar til umsóknar.

Starfið er 100% starf og æskilegt að viðkomandi geti hafið störf sem fyrst.

Launakjör eru samkvæmt gildandi kjarasamningi sem fjármála- og efnahagsráðherra og BHM hafa gert.

Umsóknarfrestur um starfið er til og með 14. október 2025

Við hvetjum áhugasama til að sækja um, óháð kyni og uppruna.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Nánari upplýsingar gefa hafa Hilmar Garðar Hjaltason ([email protected]) og Auður Bjarnadóttir ([email protected]).